Ֆրանսիայում կորոնավիրուսով վարակվածների թիվը հասել է 716-ի, Շվեդիայում` 160-ի, Բելգիայում` 169-ի

Ֆրանսիայում նոր տեսակի կորոնավիրուսով վարակվածների թիվը հասել 716-ի, Շվեդիայում` 160-ի, Բելգիայում` 169-ի, հայտնում է «ՌԻԱ Նովոստի» գործակալությունը` հղում տալով երկրների առողջապահական գերատեսչությունների տարածած հայտարարություններին:

Հայտնի է, որ Ֆրանսիայում վարակման 716 դեպքերից 11-ը մահվան ելքով են ավարտվել: Երկրում վարակակիրների թիվը առնվազն մեկ օրում ավելացել է 100-ով:

Շվեդիայում վարակման 160 դեպքից ավելի քան 100-ը Ստոկհոլմում է գրանցվել:

Բելգիայի առողջապահության դաշնային ծառայությունից հայտնել են, որ ուրբաթ օրը 771 հոգի կորոնավիրուսի առկայությունը ստուգող թեստ է անցել, որոնցից 60-ի մոտ հաստատվել է հիվանդությունը: 771-ից 40 դեպք գրանցվել է Ֆլանդրիայում, 5-ը` Բրյուսելում, 15-ը` Վալոնիայում: Այս պահին Բելգիայում հայտնաբերվել COVID-19-ով վարակման 169 դեպք:

Կորոնավիրուսի համաճարակի մասին Չինաստանի իշխանություններն ԱՀԿ-ին հայտնել էին դեկտեմբերի 31-ին: Հայտնի է, որ վիրուսը տարածվել է Հուբեյ նահանգի Ուհան քաղաքից:

Առողջապահության համաշխարհային կազմակերպությունը հայտնում է, որ ամբողջ աշխարհում գրեթե 100 000 մարդ վարակվել է կորոնավիրուսով։

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը