Պաղեստինն ու Իսրայելը հրադադարի համաձայնության են հասել
Եգիպտոսի եւ ՄԱԿ միջնորդական ջանքերով պաղեստինյան խմբավորումները եւ Իսրայելը երկուշաբթի երեկոյան պայմանավորվել են հրադադարի շուրջ, հայտնում է Sky News Arabia-ն:
Հեռուստակայանը հայտնում է, որ կողմերի միջեւ կրակի դադարեցումն ուժի մեջ է մտել տեղական ժամանակով կեսգիշերին:
Երկուշաբթի լույս գիշերը Իսրայելի ՌՕՈՒ-ն հրթիռային հարված էր հասցրել Դամասկոսի արվարձաններին, որտեղ տեղակայված է պաղեստինցիների ռազմաբազան, եւ որտեղ, ըստ Al Hadath հեռուստաալիքի տեղեկությունների, մշակվում են հրթիռային զենքի նմուշներ, որոնք հետագայում արտադրվում են Գազայում եւ օգտագործվում Իսրայելի դեմ: Իսրայելական ավիացիան երկուշաբթի գիշերը հարձակվել է նաեւ Գազայի հատվածում «Իսլամական ջիհադի» հետ կապված տասնյակ թիրախների վրա՝ ի պատասխան կիրակի կատարված հրթիռակոծության եւ անկլավի սահմանին ֆուգաս պայթեցնելու փորձի:
Անցյալ օրվա ցերեկը հարվածների փոխանակումը վերսկսվել է եւ շարունակվել մինչ պայմանավորվածության հասնելը: Իսրայելական բանակային մամուլի ծառայությունը հայտնել է, որ վերջին մեկ օրում արմատականները Գազայից Իսրայելի վրա արձակել են 40-ից ավելի հրթիռ, որից գրեթե կեսը որսվել է «Երկաթե գմբեթ» ՀՕՊ համակարգով: Իսրայելի վարչապետ Բենիամին Նեթանյահուն երկուշաբթի նախազգուշացրել է, որ Գազայից գնադակոծությունների շարունակման դեպքում հրեական պետությունը պատրաստ է այնտեղ ռազմական գործողություն սկսել անդորրը վերականգնելու համար:


















































Ալյասկայում Ուկրաինայի վերաբերյալ համաձայնություն չի եղել. Ռուբիո
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Նպատակը՝ տրանսֆերային արժեքը հնարավորինս նվազեցնելն է
Ուրսուլա ֆոն դեր Լայենը հաջորդ շաբաթ կայցելի Հայաստան և Ադրբեջան
Վրաստանը կշարունակի իր պրագմատիկ քաղաքականությունը Ռուսաստանի հետ
Մենդելեևի աղյուսակ ու հաշվիչներ. ապագա բժիշկները քննություն են հանձնում քիմիա առարկայից
ԱԱ-2026-ի փլեյ-օֆֆի նախնական ցանցն ունի հետևյալ տեսքը
Լավ տղան ընտրակաշառք չի վերցնի․ Գեղամ Նազարյան