Թրամփը Բոլթոնին մեղադրել է դավաճանության մեջ եւ սպառնացել խանգարել նրա գրքի հրատարակմանը․ աղբյուր
ԱՄՆ նախագահ Դոնալդ Թրամփը Սպիտակ տանը խոսել է ազգային անվտանգության հարցերով իր նախկին խորհրդական Ջոն Բոլթոնի գրքի առաջիկա հրատարակման մասին, գրում է Independent-ը՝ հղում կատարելով իրավիճակին ծանոթ աղբյուրներին։
Նրանք նշել են, որ Թրամփը Բոլթոնին անվանել է «դավաճան»՝ ընդգծելով, որ այն ամենը, ինչ ինքը պատմել է Բոլթոնին, համարվում է գաղտնի տեղեկատվություն, եւ հայտարարել է, որ կարգելափակի գրքի հրատարակումը։
Նշվում է, որ Թրամփի արձագանքը տարբերվում է Սպիտակ տան պաշտոնական դիրքորոշումից։
Ավելի վաղ Ազգային անվտանգության խորհուրդը նախազգուշացրել էր Բոլթոնին, որ գրքի սեւագրում պարունակվում է «զգալի քանակով գաղտնի տեղեկատվություն, իսկ տեղ-տեղ՝ նույնիսկ հույժ գաղտնի», սակայն խոստացել էր օգնել նրան վերանայել ձեռագիրը եւ որքան հնարավոր է արագ առաջ շարժվել։
Սակայն ԱՄՆ նախագահը պնդում է, որ Բոլթոնի գիրքը, որը պատմում է Սպիտակ տանը Թրամփի գործունեության մասին, չպետք է հրատարակվի մինչեւ ընտրությունները, որոնք կանցկացվեն նոյեմբերին։
Բացի այդ, Թրամփը իր իրավաբաններին հայտարարել է, որ Բոլթոնին չի կարելի թույլ տալ հրատարակել որեւէ բան, ինչը վերաբերում է ազգային անվտանգության թեմայով իր հետ շփմանը, քանի որ այդ բոլոր վկայությունները գաղտնի են։
Ալյասկայում Ուկրաինայի վերաբերյալ համաձայնություն չի եղել. Ռուբիո
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Նպատակը՝ տրանսֆերային արժեքը հնարավորինս նվազեցնելն է
Ուրսուլա ֆոն դեր Լայենը հաջորդ շաբաթ կայցելի Հայաստան և Ադրբեջան
Վրաստանը կշարունակի իր պրագմատիկ քաղաքականությունը Ռուսաստանի հետ
Մենդելեևի աղյուսակ ու հաշվիչներ. ապագա բժիշկները քննություն են հանձնում քիմիա առարկայից
ԱԱ-2026-ի փլեյ-օֆֆի նախնական ցանցն ունի հետևյալ տեսքը
Լավ տղան ընտրակաշառք չի վերցնի․ Գեղամ Նազարյան