Հայաստանում ՀՅԴ-ի քաղաքական ապագան ուղղակի շատ մշուշոտ կդառնա. Նիկոլ Փաշինյան
Հայաստանի կառավարության եւ ՀՅԴ-ի միջեւ հակադրություն չկա, եթե կա հակադրություն, ապա Դաշնակցության մի հատվածի եւ ԿԳՄՍ նախարարության միջեւ է, որոնք նախկին իշխանությունների, եւ նախկին կոռումպացված համակարգի հետ ունեցել են որոշակի առնչություններ։ Այդ մասին այսօր՝ հունվարի 25-ին, Սյունիքի մարզկենտրոն Կապան քաղաքում հրավիրած իր ասուլիսի ժամանակ ասաց ՀՀ վարչապետ Նիկոլ Փաշինյանը։
«Երբեմն տպավորություն է ստացվում, թե կա հակադրությունՀայաստանի կառավարության եւ Դաշնակցության միջեւ։ Ամբողջ Դաշնակցությանը նույն չափով չափել չի կարելի, որովհետեւ ՀՀ կառավարությունը եւ ՀՅԴ-ն համազգային հարցերի շուրջ համագործակցելու շատ մեծ պոտենցիալ եւ պատրաստակամություն ունեն՝ իմ տպավորությամբ. համենայն դեպս, մենք այդ պատրաստակամությունն ունենք։ Ես համոզված եմ, որ Դաշնակության հետ որպես համահայկական կառույցի, մենք կկարողանանք կառուցողական երկխոսություն սկսել։ Իսկ հայաստանյան մասով իմ կարծիքը մնում է նույնը, որ Հայաստանի ներսում այդ արձանագրումը տեղի չունենա, ապա Հայաստանում ՀՅԴ-ի քաղաքական ապագան ուղղակի շատ մշուշոտ կդառնա»,- ասաց վարչապետը։
Փաշինյանն ասաց, որ ավանդական կուսակցությունների հետ ՀՀ կառավարությունն ունի լավ հարաբերություններ.
«Սփյուռքի կառույցների, ավանդական կուսակցությունների հետ մենք խնդիր ունենք շատ լավ ու ջերմ հարաբերություններ հաստատել եւ ունենք այդպիսի վերաբերմունք։ Շատ լավ եմ վերաբերվում մեր 3 ավանդական կուսակցությունների ղեկավար մարմիններին, նրանց ներկայացուցիչներին, շատ ջերմ ու եղբայրական վերաբերմունք ունեմ նրանց նկատմամբ»։
Խորհրդարանը երկրորդ ընթերցմամբ քննարկեց հունվարի 27-ը Հիշատակի օր և ոչ աշխատանքային օր սահմանելու նա...
Զինծառայությունից կազատվեն այն ՀՀ քաղաքացիները, ովքեր թոփ 50 բուհերը ավարտելուց հետո առնվազն 3 տարի ...
Հունվարի 27-ը սահմանվել է որպես Հայրենիքի պաշտպանության համար զոհվածների հիշատակի օր
Ես ուրախ եմ տեսնել հայ գերիների ազատ արձակումը
Ինչու են նոր մոդելները թանկանում, իսկ միլենիալները վազում վինտաժի հետևից
Ո՞ւմ է ուզում ԱԺ նախագահ դարձնել Փաշինյանը
Ինքնակամ կառույցները հնարավոր կլինի օրինականացնել․ հաշվառման կարգն ուժի մեջ կմտնի հունվարի 20-ից
Եղեգնաձորի համայնքային ոստիկանները հայտնաբերեցին ծանր մարմնական վնասվածք պատճառած հետախուզվողին
Տոկաևը ընդունել է Թրամփի հրավերը՝ միանալու Գազայի «Խաղաղության խորհրդին»
ՀՀ ԱԺ ութերորդ գումարման տասնմեկերորդ նստաշրջանի հերթական նիստ