Ռուսաստանն առաջին անգամ ամերիկացի տեսուչներին է ներկայացրել «գերհզոր զենքը»
ՌԴ պաշտպանության նախարարությունն ամերիկացի տեսուչներին է ներկայացրել հիպերձայնային մանևրող բլոկով «Ավանգարդ» հրթիռային համակարգերը, որոնց մասին խոսել էր ՌԴ նախագահ Վլադիմիր Պուտինը 2018 թվականի մարտին՝ Դաշնային խորհրդին ուղղված ուղերձի ժամանակ: Այս մասին տեղեկացնում է lenta.ru կայքը:
Զինատեսակի ցուցադրությունը կայացել է 2010 թվականի ապրիլին Մոսկվայի և Վաշինգտոնի միջև կնքված Ռազմավարական հարձակողական սպառազինությունների սահմանափակմանն ու հետագա կրճատմանն ուղղված միջոցառումների մասին պայմանագրի շրջանակում:
ՌԴ պաշտպանության նախարարությունում նշել են, որ ցուցադրությունը կազմակերպվել է համաձայնագրի արդյունավետությունն ու կենսունակությունը պահպանելու նպատակով:
2018 թվականի մարտին Վլադիմիր Պուտինը, պատմելով «Ավանգարդ»-ի մասին, հայտարարել էր, որ համակարգի մարտական բլոկն ունակ է թռչել ձայնի արագությունից 20 անգամ բարձր արագությամբ, «նա գնում է դեպի թիրախն ինչպես երկնաքար, ինչպես հրե գունդ, որի ջերմությունը կազմում է 1600-2000 աստիճան՝ ըստ Ցելսիուսի»:
Համաձայն ռուս-ամերիկյան համաձայնագրի՝ կողմերը պարտավոր են միջմայրցամաքային բալիստիկ հրթիռների, սուզանավերի բալիստիկ հրթիռների, ինչպես նաև ռազմավարական ծանր ռմբակոծիչների քանակը կրճատել մինչև 700 միավոր:
Ալյասկայում Ուկրաինայի վերաբերյալ համաձայնություն չի եղել. Ռուբիո
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Վրաստանը կշարունակի իր պրագմատիկ քաղաքականությունը Ռուսաստանի հետ
Նպատակը՝ տրանսֆերային արժեքը հնարավորինս նվազեցնելն է
Հայաստանում կենսաթոշակառուների համար նոր հնարավորություններ են բացվում
Ուրսուլա ֆոն դեր Լայենը հաջորդ շաբաթ կայցելի Հայաստան և Ադրբեջան
ԱԱ-2026-ի փլեյ-օֆֆի նախնական ցանցն ունի հետևյալ տեսքը
Լավ տղան ընտրակաշառք չի վերցնի․ Գեղամ Նազարյան