Բրյուսելում ծխախոտի նետված մնացորդի համար տուգանք է սահմանվել
Բելգիայի մայրաքաղաքում ծխախոտի գետնին գցված մնացորդի համար տուգանքը հաջորդ տարվա սկզբից կհասնի 200 եվրոյի, հայտնում է ՌԻԱ Նովոստին՝ հղում կատարելով Բրյուսելի քաղաքապետարանին։
«Բրյուսել քաղաքի հասարակական մաքրության ծառայությունը մեկնարկում է ծրագիր, որը նախատեսում է ծխողների շրջանում իրազեկվածության բարձրացում, քաղաքային մոխրամանների տեղադրում, հունվարից գետնին նետված ծխախոտների համար 50 եվրո տուգանքի չափի բարձրացում՝ մինչեւ 200 եվրո, ինչպես նաեւ՝ գրպանային մոխրամանների միջոցով ծխախոտի մնացորդների ոչնչացման նախագիծ»,- ասվում է ծառայության համակարգող Զուբիդա Ժելաբի հաղորդագրության մեջ։
Կիրառվող միջոցների խստությունը քաղաքային իշխանությունները բացատրում են նրանով, որ կոմունալ ծառայությունների կողմից փողոցում հավաքվող աղբի համարյա 1/3-ը կազմում են ծխախոտի մնացորդները։ Ընդ որում, քայքայման համար այդ արտանետումներին անհրաժեշտ է մինչեւ 15 տարի, դրանք պարունակում են բազմաթիվ թունավոր նյութեր (կապար, մկնդեղ, նիկոտին, քաղցկեղածին նյութեր)։
Քաղաքապետարանում նաեւ նշում են, որ ծխախոտի ընդամենը մեկ մնացորդը ունակ է կեղտոտել մինչեւ 500 լիտր ջուր։ «Այն դանդաղ, սակայն հաստատ կեղտոտում է ծովը եւ սպանում է այն»,- ընդգծել են քաղաքային իշխանությունները։
Ալյասկայում Ուկրաինայի վերաբերյալ համաձայնություն չի եղել. Ռուբիո
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Հայաստանում կենսաթոշակառուների համար նոր հնարավորություններ են բացվում
Նպատակը՝ տրանսֆերային արժեքը հնարավորինս նվազեցնելն է
Վրաստանը կշարունակի իր պրագմատիկ քաղաքականությունը Ռուսաստանի հետ
Ուրսուլա ֆոն դեր Լայենը հաջորդ շաբաթ կայցելի Հայաստան և Ադրբեջան
Մենդելեևի աղյուսակ ու հաշվիչներ. ապագա բժիշկները քննություն են հանձնում քիմիա առարկայից
Լավ տղան ընտրակաշառք չի վերցնի․ Գեղամ Նազարյան