Հոնկոնգում կաթվածահար է հանրային տրանսպորտը, չեն աշխատում շատ կրթօջախներ
Հոնկոնգում չորրորդ օրն է կաթվածահար է հանրային տրանսպորտի աշխատանքը, հազարավոր ակտիվիստներ հերթական անգամ արգելափակել են ճանապարհներն ու մետրոպոլիտենի կայարանները: Ֆինանսական մեգապոլիսի հազարավոր բնակիչներ հերթական անգամ չեն կարողանում ժամանակին հասնել աշխատավայր:
Այսօր առավոտյան Հոնկոնգում կրկին տեղի են ունեցել բախումներ ցուցարարների և ոստիկանության միջև:
Չինաստանի հատուկ վարչական շրջան համարվող նախկին բրիտանական գաղութում կատաղի բախումներով ուղեկցվող ցույցերը այս շաբաթ նոր թափով են վերսկսվել: Թեժ կետերի են վերածվել հոնկոնգյան համալսարանները, որոնցից շատերը դադարեցրել են իրենց աշխատանքը ուսանողների կողմից կազմակերպվող զանգվածային բողոքի գործողությունների պատճառով: Որոշ շրջաններում փակ են նաև դպրոցները:
Ակտիվիստները համացանցում կոչ են անում ամբողջությամբ կաթվածահար անել Հոնկոնգում հանրային կյանքը նաև աշխատանքային օրերին, այդ կերպ փորձելով ուժեղացնել ճնշումը քաղաքային իշխանության վրա:
Պեկինը, որին Հոնկոնգը Մեծ Բրիտանիայից փոխանցվել է 1997 թվականին, հավաստիացրել էր, որ կհետևի այդ տարածքում մարդու իրավունքների, խոսքի, մամուլի ազատության իրավունքների պահպանմանը առնվազն 50 տարի: Պայմանավորվածության ժամկետը լրանում է 2047 թվականին, և թե ինչ կարող է տեղի ունենալ Հոնկոնգի ինքնավարության հետ, անհայտ է։ Հենց այդ անորոշության ֆոնին Հոնկոնգում թափ առնող ընդդիմադիր շարժումների առաջնորդները կառավարությանը մեղադրում են «մեկ երկիր, երկու համակարգ» սկզբունքը պարբերաբար խախտելու մեջ:
Ալյասկայում Ուկրաինայի վերաբերյալ համաձայնություն չի եղել. Ռուբիո
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Վրաստանը կշարունակի իր պրագմատիկ քաղաքականությունը Ռուսաստանի հետ
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Լավ տղան ընտրակաշառք չի վերցնի․ Գեղամ Նազարյան
Մենդելեևի աղյուսակ ու հաշվիչներ. ապագա բժիշկները քննություն են հանձնում քիմիա առարկայից
Մհեր Գրիգորյանն ու Դավիթ Խուդաթյանն այցելել են ՀԱԷԿ. քննարկվել է 2-րդ էներգաբլոկի շահագործման ժամկետ...