Ասադը խոսել է տարիներ շարունակ հարցազրույց չտալու պատճառների մասին
Սիրիայի նախագահ Բաշար ալ Ասադը RT հեռուստաալիքին տված հարցազրույցում հայտնել է, թե ինչու վերջին տարիներին հարցազրույց չի տվել, և հստակեցրել է ԶԼՄ-ների հետ կապը վերահաստատելու պատճառները:
«Թուրքական ներխուժումից հետո ամբողջ աշխարհում, տարածաշրջանում և Սիրիայում տեղի ունեցող իրադարձությունները նորից իմ երկիրն առաջնային պլան են մղել»,- նշել է նախագահը`պատասխանելով այն հարցին, թե ինչու է որոշել կրկին հարցազրույց տալ:
«Երկրորդ հերթին, ես կարծում եմ, որ հասարակական կարծիքն աշխարհում և հատկապես Արևմուտքում վերջին մի քանի տարիների ընթացքում փոփոխությունների է ենթարկվել: Մարդիկ հասկանում են, որ շատ պաշտոնյաներ Մերձավոր Արևելքում, Սիրիայում, Յեմենում տեղի ունեցած իրադարձությունների մասին չափից շատ կեղծ տեղեկություններ են հաղորդել: Նրանք գիտակցում են, որ սուտ կա, բայց չգիտեն` որն է ճշմարտությունը: Իմ կարծիքով` ժամանակն է խոսել այդ ճշմարտության մասին»,- հավելել է Ասադը:
Նախագահը հավելել է, որ նախկինում բազմիցս հարցազրույցներ է տվել արևմտյան ԶԼՄ-ներին, սակայն, իր պնդմամբ, վերջիններս իրականությունն արտացոլող տեղեկություն ստանալու փոխարեն փորձում են սենսացիա ստեղծել: Հենց դա է պատճառը, որ տարիներ շարունակ պետության ղեկավարը հրաժարվել է հարցազրույցներ տալուց:
Հոկտեմբերի 9-ին Անկարան հայտարարել է Սիրիայի հյուսիսում բուֆերային գոտի ստեղծելու նպատակով «Խաղաղության ակունք» անվանումով ռազմական գործողություն իրականացնելու մասին: Այն պետք է ծառայի որպես պաշտպանիչ գոտի թուրքական սահմանի համար: Հոկտեմբերի 22-ին Ռուսաստանի և Թուրքիայի նախագահների միջև Սոչիում տեղի ունեցած հանդիպման ժամանակ Սիրիայի հյուսիս-արևելքում իրավիճակը կարգավորելու վերաբերյալ համատեղ գործողությունների իրականացման հուշագիր է ընդունվել:
Փաստաթղթի համաձայն` Ռուսաստանի ռազմական ոստիկանությունը և սիրիացի սահմանապահները հոկտեմբերի 23-ի կեսօրից մուտք են գործել Թուրքիայի կողմից ստեղծված 30 կիլոմետրանոց անվտանգության գոտուն սահմանակից տարածքներ: Ռուսաստանի պաշտպանության նախարար Սերգեյ Շոյգուն հոկտեմբերի 29-ին հայտարարել է, որ քրդերն ավարտել են անվտանգության այս գոտուց իրենց զինված ստորաբաժանումների դուրսբերման գործընթացը:
Ալյասկայում Ուկրաինայի վերաբերյալ համաձայնություն չի եղել. Ռուբիո
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Հայաստանում կենսաթոշակառուների համար նոր հնարավորություններ են բացվում
Վրաստանը կշարունակի իր պրագմատիկ քաղաքականությունը Ռուսաստանի հետ
Իսպանիայի ընտրանու հարձակվողը վնասվածք ունի
Լավ տղան ընտրակաշառք չի վերցնի․ Գեղամ Նազարյան
Մենդելեևի աղյուսակ ու հաշվիչներ. ապագա բժիշկները քննություն են հանձնում քիմիա առարկայից
Մհեր Գրիգորյանն ու Դավիթ Խուդաթյանն այցելել են ՀԱԷԿ. քննարկվել է 2-րդ էներգաբլոկի շահագործման ժամկետ...