Հայտնի է ամենաշատ ալկոհոլն օգտագործող երկրների ցանկը. Ռուսաստանն առաջատար հնգյակում չէ

Աշխարհում ալկոհոլի օգտագործման ամենամեծ քանակությունը գրանցվել է Լիտվայում. Լիտվայի բնակիչները տարեկան 12,3 լիտր ալկոհոլ են օգտագործում, նշվում է Տնտեսական զարգացման և համագործակցության կազմակերպության «Health at a Glance 2019» նոյեմբերյան հրապարակման մեջ:

Ռուսաստանը նույնպես հայտնվել է ալկոհոլի ամենամեծ չափաքանակն օգտագործող երկրների տասնյակում: Ներկայացված ժամանակացույցում, սակայն, երևում է, որ երկրում օգտագործվող ալկոհոլի քանակությունը կրճատվել է 2007-ից հետո, մինչդեռ մինչ այդ Ռուսաստանը գլխավորում էր ցանկը:

Լիտվային հաջորդում են Ավստրիան (11,8 լիտր) և Ֆրանսիան (11,7 լիտր), իսկ առաջատար հնգյակը եզրափակում են Չեխիան (11,6 լիտր) և Լյուքսեմբուրգը (11,3 լիտր):

Ցանկի 6-րդ հորիզոնականը կիսել են Լատվիան և Իռլանդիան, որոնց բնակիչները միջինում 11,2 լիտր ալկոհոլ են օգտագործում: Հունգարիան և Ռուսաստանն էլ ցանկում հայտնվել են 7-րդ հորիզոնականում. այս երկրների բնակչությունն օգտագործում է միջինում 11,1 լիտր ալկոհոլ: Ցանկում 8-րդ հորիզոնականը զբաղեցնում է Գերմանիան (10,8 լիտր), 9-րդ-ը՝ Պորտուգալիան (10,7 լիտր) և 10-րդ-ը՝ Լեհաստանը (10,6 լիտր):