Մարդկությունը կարող է ոչնչանալ թերսնման պատճառով
Գլոբալ տաքացման հետեւանքով մոլորակի տարբեր մասերում չափազանց շոգ եղանակի ավելի ու ավելի հաճախ հաստատումը խնդիրների հայտնի ցանկին կարող է ավելացնել եւս մեկը։ Խոսքը շոգի հետ կապված թերսնումն է, հաղորդում է Planet-today-ը։
Ավստրալիայի Մանոշա համալսարանի աշխատակիցներն ուսումնասիրել են Բրազիլիայում 2000-2015թթ․ գրանցված հոսպիտալացման վիճակագրական տվյալները։ Վերլուծված տվյալները, ըստ հետազոտողների, վերաբերում են Բրազիլիայի բնակչության մոտ 80 տոկոսին։
Պարզվել է, որ նորմալ ջերմաստիճանը գերազանցող ամեն մի աստիճանը հանգեցրել է թերսնման պատճառով հոսպիտալացման ռիսկի 2,5 տոկոսանոց աճի։ Այսինքն, շոգն ախորժակի եւ սննդի հասանելիության լուրջ խնդիրներ է ծնում, որոնք հաճախ հանգեցնում են մահվան։ Ընդ որում, ռիսկայնությունն այս դեպքում առավելապես վերաբերում է երեխաներին եւ ծերերին։
«Շոգի պատճառով նվազում է ախորժակը, ինչպես նաեւ կորչում է սննդամթերք ձեռք բերելու եւ ուտելիք պատրաստելու ցանկությունը։ Սրան ավելանում են մարմնի ջերմաստիճանի կարգավորման խանգարումներն ու աղեստամոքսային տրակտի քրոնիկ հիվանդությունների սրացումները։ Սրանք այն գործոններն են, որոնք հանգեցնում են թերսնման պատճառով հոսպիտալացման»,- նշում են հետազոտողներն՝ ավելացնելով, որ չափազանց բարձր ջերմաստիճանը հանդիսանում է սննդի պատճառով հոսպիտալացման դեպքերի 15 տոկոսի պատճառը։ Գիտնականները համոզված են, որ հետագայում այս ցուցանիշը շեշտակի կաճի։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները