Հոլանդացիների կամային հաղթանակը եւ բելգիացիների անհամեստ հաղթանակը

Ֆուտբոլի Եվրոպայի առաջնության ընտրական փուլում սկսվեցին հերթական տուրի հանդիպումները:

C խումբ

Բելառուս 0 - 0 Էստոնիա
Հոլանդիա 3 - 1 Հս. Իռլանդիա 

Դժվարին եւ գերկարեւոր հաղթանակ տարան հոլանդացիները: 80-րդ րոպեին նրանք պարտվում էին 1:0 հաշվով, բայց հետո Դեպայի երկու եւ Դե Յոնգի գոլի շնորհիվ երեք միավոր վաստակեցին: Այժմ Հոլանդիան, Գերմանիան եւ Հս. Իռլանդիան ունեն 12-ական միավոր, բայց հյուսիսիռլանդացիները պետք է անցկացնեն երկու, իսկ իրենց մրցակիցները երեքական հանդիպում:

E խումբ

Խորվաթիա 3 - 0 Հունգարիա
Սլովակիա 1 - 1 Ուելս

Խորվաթիան 13 միավորով առաջին տեղում է: Երկրորդ տեղում 10 միավորով Սլովակիան է, բայց դեռ այդ տեղին հավակնում են ինը եւ յոթ միավոր վաստակած Հունգարիայի եւ Ուելսի հավաքականները:

G խումբ

Ավստրիա 3 - 1 Իսրայել
Հս. Մակեդոնիա 2 - 1 Սլովենիա
Լատվիա 0 - 3 Լեհաստան 

Ավստրիան կամային հաղթանակ տարավ, վաստակեց 13 միավոր եւ բարձրացավ երկրորդ տեղ, իսկ աղյուսակը 16 միավորով գլխավորում է Լեհաստանը: 

I խումբ

Ղազախստան 1 - 2 Կիպրոս
Բելգիա 9 - 0 Սան Մարինո 
Ռուսաստան 4 - 0 Շոտլանդիա

Ամենաթույլ խմբերից մեկում վաղուց արդեն պարզ է, որ առաջին տեղը զբաղեցնելու է Բելգիան, իսկ երկրորդը՝ Ռուսաստանը: Բելգիան ունի 21, իսկ Ռուսաստանը 18 միավոր: Երրորդ տեղում գտնվող Կիպրոսն ունի ընդամենը տասը միավոր:

Top-News.am