Ավելի շատ գոլ Բավարիային, քան վեց տարում հավաքականում․ Sports.ru-ի անդրադարձը Ադամյանի խաղին

Ֆուտբոլային աշխարհը շարունակում է խոսել Սարգիս Ադամյանի մասին։ Մեր հավաքականի հարձակվողը երեկ փայլեց Բունդեսլիգայի 7-րդ տուրի «Բավարիայի» հետ խաղում։ Սարգիսի դուբլի շնորհիվ «Հոֆենհայմը» 2-1 հաշվով «Ալիանս Արենայում» հաղթեց «Բավարիային»։

Միջազգային մամուլի էջերում շատերն են խոսում Սարգիս Ադամյանի մասին։ Գերմանական մամուլը ծանոթացնում է բոլորին Ադամյանի հետ, պատմում նրա պատմությունը։ Սարգիսի մասին ծավալուն հոդվածով է հանդես եկել նաև ռուսական հայտնի sports.ru սպորտային կայքը։ Facebook-ում էջը կիսվել է Ադամյանի լուսանկարով ու նկարագրության մեջ գրել հետևյալը․

«Ավելի շատ գոլ «Բավարիային», քան վեց տարում հավաքականում»։

Սարգիս Ադամյանը 2013 թվականից է հանդես գալիս Հայաստանի հավաքականի կազմում և ընդամենը մեկ գոլի հեղինակ է դարձել։