«Ռեալն» ու «Լիվերպուլն հաղթեցին»
Իսպանիայի առաջնության երրորդ տուրում Մադրիդի «Ռեալը» «Սանտիագո Բեռնաբեու» ստադիոնում մրցում էր «Լևանտեի» հետ:
Զինեդին Զիդանի գլխավորած թիմն առաջին խաղակեսում երեք գնդակ ուղարկեց մրցակցի դարպասը: 25-րդ րոպեին Դանիել Կարվախալի փոխանցումից հետո խաղի հաշիվը բացեց ֆրանսիացի հարձակվող Քարիմ Բենզեման, որը 31-րդ րոպեին Խամես Ռոդրիգեսի փոխանցումից հետո դուբլ ձևակերպեց: 40-րդ րոպեին Վինիսիուսի փոխանցումից հետո բրազիլացի կիսապաշտպան Կազեմիրոն խփեց իր թիմի երրորդ գոլը, որն, ինչպես պարզվեց հետագայում, հաղթական էր Արքայական ակումբի համար: Երկրորդ խաղակեսում «Լևանտեն» փոխեց հանդիպման ընթացքը: 49-րդ րոպեին հաշվի տարբերությունը կրճատեց «Ռեալի» նախկին ֆուտբոլիստ, իսպանացի հարձակվող Բորխա Մայորալը: 75-րդ րոպեին իսպանացի կիսապաշտպան Գոնսալո Մելերոն խփեց իր թիմի երկրորդ գոլը:
«Ռեալի» կազմում իր նորամուտը պաշտոնական խաղում նշեց բելգիացի հարձակվող Էդեն Ազարը, որը փոխարինման դուրս եկավ 60-րդ րոպեին:
«Ռեալն» այժմ ունի 8 միավոր և առաջատար «Ատլետիկոյից» հետ է մնում 1 միավորով: «Լևանտեն» 6 միավորով 5-րդն է մրցաշարային աղյուսակում:
Հաղթանակ տարավ նաեւ «Լիվերպուլը»՝ ԱՊԼ-ի հերթական տուրում:
«Լիվերպուլն» «Էնֆիլդ» ստադիոնում մրցում էր «Նյուքասլի» հետ: Յուրգեն Կլոպի գլխավորած թիմը կամային հաղթանակ տարավ և, 15 հնարավորից վաստակելով 15 միավոր, կշարունակի գլխավորել մրցաշարային աղյուսակը:
Հանդիպման 7-րդ րոպեին «Նյուքասլի» հոլանդացի պաշտպան Իյետրո Վիլեմսը բացեց խաղի հաշիվը: 28-րդ րոպեին «Լիվերպուլի» սենեգալցի հարձակվող Սադիո Մանեն խփեց պատասխան գոլը, իսկ 40-րդ րոպեին՝ դուբլ ձևակերպեց: 72-րդ րոպեին Ռոբերտո Ֆիրմինոյի կրունկով գեղեցիկ փոխանցումից հետո Եգիպտոսի հավաքականը ներկայացնող Մուհամեդ Սալահը խփեց իր թիմի երրորդ գոլը:
Նախկինում Պրեմիեր լիգայի առաջին 5 տուրերի հանդիպումներում հաղթանակ տանել հաջողվել էր միայն «Չելսիին» և «Մանչեսթեր Սիթիին»:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրամիությունը չի հասկանում Իրանում պատերազմի նպատակները. Կալաս
Իրանի հարստացված ուրանի պաշարները միջուկային օբյեկտների փլատակներում են
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները
Մարմնամարզության տղամարդկանց հավաքականը տուն է վերադառնում