Իտալիան Հայաստանի համար կարեւոր հաղթանակ տարավ Ֆինլանդիայում

Ֆուտբոլի Եվրոպայի առաջնության ընտրական J խմբում ընդգրկված Իտալիայի ազգային հավաքականը մրցակցի դաշտում, ծանր պայքարում 2:1 հաշվով հաղթեց Ֆինլանդիային եւ ոչ միայն իր, այլ Հայաստանի հավաքականի համար կարեւոր հաղթանակ տարավ:

Իտալացիները վեց խաղից հետո 18 միավորով վստահ գլխավորում են մրցաշարային աղյուսակը եւ լուծեցին եզրափակիչ փուլում խաղալու հարցը:

Ֆինների պարտությունը Հայաստանին Ֆինլանդիայից հետ թողեց ընդամենը մեկ հաղթանակի հեռավորության վրա: Հիշեցնենք, որ այս խաղից մի քանի ժամ առաջ Հայաստանը փայլուն խաղով 4:2 հաշվով հաղթեց Բոսնիա եւ հերցեգովինայի ուժեղ հավաքականին:

Ինչ վերաբերում է Ֆինլանդիա-Իտալիա խաղին, ապա իտալացիներից հաշիվը 59-րդ րոպեին բացեց Չիրո Իմոբիլեն: Ֆինն Պուկին 11 մետրոնոցով հավասարեցրեց հաշիվը, բայց յոթ րոպե անց՝ 79-րդ րոպեին դարձյալ 11 մետրոնոցով Ժորջինիոն հաշիվը դարձրեց 2:1:

Այս խմբում հերթական դժգույն խաղն անցկացրեց Հունաստանի թիմը, սեփական դաշտում 1:1 ավարտելով հանդիպումը Լիխտենշտեյնի հետ: