Առաջիկայում ունենալու ենք շինարարության պահանջարկ, որն իր հետ բերելու է նոր աշխատատեղեր

ՀՀ վարչապետ Նիկոլ Փաշինյանն այսօր լրագրողների հետ հանդիպման ժամանակ հայտարարեց, որ այս տարի փետրվարին նախորդ տարվա փետրվարի համեմատ հիփոթեքային վարկավորման ծավալն աճել է 100%-ով, կառավարության ծրագրերի շրջանակներում՝ 145%, և այսօրվա դրությամբ երկրում հիփոթեքային վարկավորման պորտֆելի ծավալն աճել է ընդհանուր 30%-ով: Նա նշեց, որ մասնագետների կարծիքով՝ սա ահռելի աճ է:

«Սա նշանակում է, որ մենք առաջիկայում ունենալու ենք շինարարության պահանջարկ, որն իր հետ բերելու է նոր աշխատատեղեր և ոչ միայն շինարարության, այլև սպասարկման ոլորտում: Սա շատ կարևոր ցուցանիշ է, որ իր հետ բերելու է գործազրկության կրճատում: Այս պահին ՀՀ-ում կառավարության հետ քննարկվում է 89 ներդրումային ծրագիր՝ 2.7 մլրդ դոլար ծավալով, որից 42-ը՝ 774 մլն ծավալով, ակտիվ փուլում են: Սա նշանակում է, որ երկրում որոշակի ներդրումային աճ ունենք»,- ասաց Ն.Փաշինյանը:

Նա հայտարարեց, որ մարտի 23-ին տեղի է ունենալու երկրում համապետական մաքրության օր, հույս հայտնեց, որ բոլորը կմասնակցեն. «Ես ինքս մասնակցելու եմ»:

Փաշինյանի խոսքով՝ վիզուալ առումով ՀՀ-ում ամենամեծ խնդիրը աղբի խնդիրն է, իսկապես հեղափոխական մասշտաբի փոփոխություններ տեղի կունենան, երբ մեր չնաշխարհիկ երկիրը կարողանանք ազատել աղբից և այլ թափոններից՝ մեքենաների, կրպակների:

Այս թեմայով Ինչպիսին էլ լինեն լուծումները, դրանք պետք է տեղավորվեն ինքնիշխանության, տարածքային ամբողջականության, իրավազորության սկզբունքների շրջանակում․ Փաշինյան Գերիների հարցը բարձրացվել է բարձրագույն մակարդակում. Փաշինյան Սյունիքի մարզը վարձով տալու մասին խոսք լինել չի կարող. Փաշինյան Ինչին է անհամբեր սպասում Նիկոլ Փաշինյանը Գետնին գցված դրոշը, պոկված կախիչը եւ գլոբալ ձախողումը. ո՞րն է ավելի վատ