Դուխներդ չգցեք. որոշման հրապարակումից հետո Քոչարյանն ասել է պաշտպաններին

Երեւան քաղաքի ընդհանուր իրավասության դատարանը՝ դատավոր Արմեն Բեկթաշյանի նախագահությամբ, գտել է, որ Ռոբերտ Քոչարյանին առաջադրված կաշառքի դրվագով հիմնավոր կասկած առկա չէ:

Այս մասին լրագրողների հետ զրույցում ասաց Քոչարյանի պաշտպաններից Արամ Օրբելյանը:

Ինչ վերաբերում է Քոչարյանին մեղսագրվող մյուս մեղադրանքին՝ ՀՀ ՔՕ 300.1 հոդվածին (Սահմանադրական կարգը տապալելը), ապա ըստ Օրբելյանի՝ դատարանը հիմնավոր կասկած տեսել է եւ դատարանի հիմնավորումները պայմանավորված են բացառապես մինչեւ հիմա կայացված 4 դատական ակտերով: Ըստ պաշտպանի՝ դատարանը բացառել է թաքնվելու, բայց չի բացառել խոչընդոտելու հավանականությունը: «Դատարանը նշեց, որ բացառել է թաքնվելու հնարավորությունը, այսինքն՝ միակ հիմքը ըստ էության այն է, որ քանի որ հիմա նյութերի ծանոթանալու փուլն է եւ կարող ենք տեսնել բոլոր վկաներին, ռիսկային է գնահատել գործի վրա ազդելու հավանականությունը»,- ասաց Օրբելյանը:

Դատարանը միաժամանակ մերժել է պաշտպանական կողմի ներկայացված գրավի միջնորդությունը:

iravunk.com