Թուրքիան ՆԱՏՕ-ի անդամ անազատ միակ երկիրն է
Թուրքիան ՆԱՏՕ-ի անդամ միակ անազատ երկիրն է: Այդ մասին նշվել է ՆԱՏՕ-ի Խորհրդարանական վեհաժողովի Անվտանգության քաղաքացիական բաղադրիչի հանձնաժողովի ընդունած զեկույցում, որը, ինչպես գրում է թուրքական «Ջումհուրիյեթ» պարբերականը, Թուրքիային քննադատող ՆԱՏՕ-ի առաջին պաշտոնական զեկույցն է:
Աշխարհի մի շարք երկրներում մարդու իրավունքների վիճակի վերաբերյալ զեկույցում, մասնավորապես, նշվում է, որ Թուրքիան Freedom House-ի կողմից ճանաչված անազատ երկրների շարքում է: Զեկույցում անդրադարձ է կատարվել նաև Ռուսաստանում, Ուկրաինայում, Վրաստանում, Բուլղարիայում, Մոլդովայում և Ռումինիայում տիրող իրավիճակին:
Զեկույցի հեղինակները նաև քննադատել են Թուրքիայում ռազմական հեղաշրջումից հետո զանգվածային ձերբակալություններն ու կադրային զտումները:
Ուշադրություն է հրավիրվել նաև Թուրքիայում իրականացված սահմանադրական փոփոխությունների միջոցով կառավարման նախագահական համակարգին անցմանը, որն էականորեն ընդլայնել է նախագահ Ռեջեփ Թայիփ Էրդողանի լիազորությունները:
Նշվում է, որ թեև Թուրքիան փորձել է ընդօրինակել կառավարման նախագահական համակարգի ամերիկյան մոդելը՝ Թուրքիայում սահմանադրական այս փոփոխության արդյունքում իշխանությունը հավասարակշռված չէ. այստեղ նախագահն իրավունք ունի ցրել խորհրդարանը, ինչպես նաև մեծացրել է իր ազդեցությունը արդարադատության համակարգի նկատմամբ:
Այս ուղղությամբ ևս, կարծես, նոր պանդորայի արկղ ենք բացել. Պետրոսյանը՝ ՀԷՑ-ում ստուգումների մասին
ԿԸՀ-ն իր ձեւով քննարկելու է «Մեր ձեւովի» հարցը
Գարեգին Երկրորդի եղբոր կալանքը 2 ամսով երկարաձգվեց
Քրեական վարույթներով վերականգնվել է շուրջ 29 միլիոն 711 հազար ԱՄՆ դոլարին համարժեք 11 միլիարդ 249 մի...
Մի շարք հասցեներում լույս չի լինի
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ
Իրանում վերականգնվել է ինտերնետային կապը
Գողություններ կատարած տղամարդիկ ձերբակալվել են․ Վաղարշապատի համայնքային ոստիկանների բացահայտումը (տե...
Արտաշիսյան փողոցի բնակելի շենքի նկուղային հարկում խմելու ջրի խողովակը վնասվել և ջուրը լցվում է նկուղ
Իրանը նախազգուշացնում է` կարձագանքեն ինչպես ԱՄՆ ռազմակայանների, այնպես էլ ուղղաթիռային նավերի դեմ