Նեթանյահուն կստանձնի նաեւ պաշտպանության նախարարի պաշտոնը
Իսրայելի կառավարության ղեկավար Բենիամին Նեթանյահուն հաստատել է, որ ինքը կստանձնի պաշտպանության նախարարի պաշտոնը, եւ խոստացել է այդ պաշտոնում ապահովել Գազայի հատվածի կողմից անընդհատ ռմբակոծվող երկրի հարավի անվտանգությունը՝ տեղեկացնում է ՌԻԱ Նովոստին։
Իր նշանակությամբ նախարարական երկրորդ պաշտոնից այս շաբաթ ազատվել էր ռուսախոս քաղաքական գործիչ Ավիգդոր Լիբերմանը, ով իր հրաժարականը բացատրել էր նրանով, որ համաձայն չէ պաղեստինյան խմբավորումների դեմ ռազմական գործողությունների դադարեցման եւ տնտեսական պատժամիջոցների մեղմացման հետ։
Լիբերմանի հրաժարականից եւ կոալիցիայից նրա «Մեր տունը Իսրայելն է» կուսակցության դուրս գալուց հետո Նեթանյահուն մնում է խորհրդարանական նվազագույն մեծամասնությամբ՝ 61-ը 120 մանդատից, ընդ որում՝ նրա հիմնական դաշնակիցները եւս արտահերթ ընտրությունների կողմնակից են։ Հիմնվելով անվտանգության ոլորտում ստեղծված իրավիճակի վրա՝ վարչապետը նրանց կոչ է անում պատասխանատվություն դրսեւորել եւ թույլ տալ կառավարությանը մինչեւ տարվա վերջն աշխատել։
Նեթանյահուի կոալիցիոն գործընկերներից կրթության նախարար եւ «Հրեական տուն» կուսակցության առաջնորդ Նաֆթալի Բենետը եւս հավակնում էր պաշտպանության նախարարի պաշտոնին, սակայն մերժվեց։ Նեթանյահուն գլխավորում է մի շարք նախարարություններ, որոնց թվում՝ արտաքին գործերի եւ առողջապահության նախարարությունները։
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
ՀՀ ԱԺ արտահերթ նստաշրջան - 02.07.2026
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Կացարաններից մինչև ջրավազաններ․ ամփոփվել են ՄԱԶԾ-ի երկամյա ծրագրի արդյունքները