Նոր ձերբակալություններ ռուսաստանցի ֆուտբոլիստների խուլիգանության գործով
Ոստիկանությունը ձերբակալել է Ռուսաստանի ֆուտբոլի հավաքականի անդամ Ալեքսանդր Կոկորինի կրտսեր եղբորը՝ Կիրիլ Կոկորինին, ինչպես նաև ծեծկռտուքի մասնակից ևս երկու կասկածյալի: Ավելի վաղ ձերբակալված ֆուտբոլիստներ Պավել Մամաևին ու Ալեքսանդր Կոկորինին մինչև յոթ տարվա ազատազրկում է սպառնում: Խուլիգանության հատկանիշներով հարուցված քրեական գործով առաջադրվել է հոդվածի ավելի ծանր մասը՝ խմբի կողմից կատարված դիտավորյալ խուլիգանություն:
Հոկտեմբերի 8-ին նրանք խուլիգանական արարքներ էին կատարել Սանկտ Պետերբուրգ - Մոսկվա գնացքում, իսկ Մոսկվայի կենտրոնում ծեծի ենթարկել սրճարաններից մեկի հաճախորդներին, որոնցից մեկը առևտրի ու արդյունաբերության նախարարության վարչության պետ է: Փողոցում նրանք հարձակվել էին հեռուստահաղորդավար Օլգա Ուշակովայի վարորդի վրա, ով գանգուղեղային վնասվածքներով տեղափոխվել է հիվանդանոց:
Պավել Մամաևը «Կրասնոդար» ակումբից է, իսկ Ալեքսանդր Կոկորինը՝ «Զենիթ» ակումբից: Նրանք ֆուտբոլի ազգային հավաքականի անդամներ են ու համարվում են Ռուսաստանի ամենաբարձր վարձատրվող ֆուտբոլիստներից: Ռուսաստանի ֆուտբոլի ֆեդերացիայի կանոնադրության համաձայն՝ նրանց որակազրկում է սպառնում:
Ուրբաթ օրը դատարանը լսելու է երկու ֆուտբոլիստների նկատմամբ խափանման միջոցը ընտրելու հարցը: vnfh
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...