Թուրքիան կշարունակի Իրանից բնական գազ ձեռք բերել՝ չնայած ԱՄՆ-ի պատժամիջոցներին

Թուրքիան շարունակելու է Իրանից բնական գազ գնել՝ չնայած Թեհրանի դեմ ԱՄՆ-ի սահմանած պատժամիջոցներին: Այս մասին հայտարարել է Թուրքիայի նախագահ Ռեջեփ Թայիփ Էրդողանը, հաղորդում է Reuters-ը:

Նա նաեւ անդրադարձել է ամերիկյան բողոքական քահանա Էնդրյու Բրանսոնի գործին, որը Անկարայի եւ Վաշինգթոնի միջեւ կռվախնձոր էր դարձել: Էրդողանն ասել է, որ թուրքական դատարանը պետք է որոշի իր ճակատագիրը, ոչ թե քաղաքական գործիչները:

Նշենք, որ ԱՄՆ-ի եւ Թուրքիայի հարաբերությունները լավագույն փուլում չեն, այդ թվում նաեւ ամերիկյան բողոքական քահանա Էնդրյու Բրանսոնի գործի պատճառով:

Վերջինս Թուրքիայում մեղադրվում է լրտեսության եւ ահաբեկիչներին օգնելու մեջ: Նրան 35 տարվա ազատազրկում է սպառնում: ԱՄՆ-ն պնդում է, որ նա անմեղ է եւ պնդում է, որ նա ազատ արձակվի: Բրանսոնի գործի կապակցությամբ Վաշինգթոնը պատժամիջոցներ է սահմանել երկու թուրք նախարարների դեմ: Բացի դրանից, օգոստոսին ԱՄՆ-ն կրկնապատկել է Թուրքիայից ներկրվող ալյումինի եւ պողպատի մաքսատուրքերը:

Այս թեմայով Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին Հայաստանի եւ Թուրքիայի ներկայացուցիչները հանդիպել են հայ-թուրքական սահմանին