Մաթիս. «Իրանում թող լավ մտածեն, նոր մի բան ասեն»

Պենտագոնն «անհեթեթություն» է անվանել Իրանի պնդումն այն մասին, որ Ահվազ քաղաքում անցած շաբաթ օրը տեղի ունեցած ահաբեկչությունը Միացյալ Նահանգներն է կազմակերպել:

Պաշտպանության նախարար Ջեյմս Մաթիսը երեկ հիշեցրել է, որ Վաշինգտոնը դատապարտել է անցած շաբաթ օրը զորահանդեսի ժամանակ տեղի ունեցած ահաբեկչությունը և ցավակցություն է հայտնել Իրանին:

Ահվազում հեղափոխական գվարդիայի զորահանդեսի ժամանակ չորս զինյալների կատարած ահաբեկչության հետևանքով զոհվել է 25 մարդ, ընդ որում ոչ միայն զինվորականներ, այլև քաղաքացիական անձինք, այդ թվում՝ կանայք և երեխաներին: Ահաբեկիչները ոչնչացվել են:

Շաբաթօրյա ահաբեկչության համար միանգամից երկու կառույց է պատասխանատվություն ստանձնել՝ «Իսլամական պետությունը» և «Ահվազի ազգային դիմադրությունը»: Այս պահին անհայտ է, թե դրանցից որ մեկն է իրականում կազմակերպել գրոհը:

«Անհեթեթություն է նման բան ասել, այսօրվա դրությամբ նրանք մեղադրել են երեք երկրների և առնվազն մեկ խմբավորման, կարծում եմ, ճիշտ կլինի, որ նրանք լավ մտածեն, նոր մի բան ասեն», - հայտարարել է Պենտագոնի ղեկավարը:

Թեհրանը պնդում է, որ Ահվազում ահաբեկչությունը կազմակերպել են «Ամերիկայի խամաճիկները»: Իսլամական հանրապետությունում սովորաբար այդպես արտահայտվում են Սաուդյան Արաբիայի և Իսրայելի մասին:

Իրանը հայտարարել է, որ «ջախջախիչ» հակահարված է տալու ահաբեկչության հեղինակներին:

Այս թեմայով ԱՄՆ-ը պատժամիջոցներ է սահմանել Իրանի հետ կապված ընկերությունների նկատմամբ Թրամփը չի խոչընդոտի Ֆրանսիային՝ Իրանին բժշկական նյութեր մատակարարելու հարցում. TACC Իրանի Ազգային անվտանգության բարձրագույն խորհրդի ղեկավարը հայտնել է, որ Թրամփը կորոնավիրուսից ավելի վտանգավոր է. Tasnim ԱՄՆ պատժամիջոցները «տնտեսական եւ բժշկական» ահաբեկչություն են Խամենեին մերժել է կորոնավիրուսի դեմ ԱՄՆ-ի առաջարկած օգնությունը