Թուրքիայում շարունակվում են զինվորականների հետապնդումները

Թուրքիայում շարունակվում են զինվորականների հետապնդումները․ թուրքական ԶՈւ-ում նոր կադրային զտումներ ու ձերբակալություններ են գրանցվել, գրում է gazeteduvar.com.tr կայքը։

Հայտնի է, որ այսօր Թուրքիայի միանգամից 9 նահանգում հետաքննություն է սկսվել 40 բարձրաստիճան զինվորականի նկատմամբ, նրանցից 21-ի մասով ձերբակալման որոշում է կայացվել։

Ընդդիմադիր պարբերականները նկատում են, որ չնայած ռազմական հեղաշրջման փորձից հետո երկրում սահմանված արտակարգ դրության ռեժիմի չեղարկմանը՝ իշխանությունները փաստացի չեն փոխել իրենց գործելաոճն ու շարունակում են բռնաճնշումները։

Հիշեցնենք, որ 2016-ի հուլիսի 15-ին Թուրքիայում տեղի է ունեցել ռազմական հեղաշրջման փորձ: Դրան հաջորդել են ձերբակալությունները երկրի զինված ուժերում և այլ կառույցներում, փակվել են բազմաթիվ թերթեր, կազմակերպություններ, կենտրոններ, երկրում հայտարարվել էր արտակարգ դրություն:

Այս թեմայով Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին Հայաստանի եւ Թուրքիայի ներկայացուցիչները հանդիպել են հայ-թուրքական սահմանին