Թուրքիան մտադիր է ռազմաբազա հիմնել Նախիջևանի տարածքում

Թուրքիան մտադրություն ունի ռազմաբազա հիմնել Նախիջևանի տարածքում։ Նման տեղեկություն է հրապարակել թուրքական «Սյոզջու» պարբերականի սյունակագիրներից Զեյնեփ Գյուրջանլըն իր հերթական հոդվածում։

Ռուս-թուրքական հարաբերություններին ու փոխգործակցությանն անդրադարձ կատարած Գյուրջանլըն շեշտել է, որ չնայած շատ հարցերում Թուրքիան և ՌԴ-ն գործընկերներ են, սակայն մի շարք խնդիրների շուրջ ու հատկապես Կովկասում այս երկու երկրների շահերը բախվում են։

«Որքանո՞վ կարող են Անկարան ու Մոսկվան համագործակցության մեջ մտնել Կովկասում։ Անկարայում փակ դռների ետևում քննարկվող շատ կարևոր թեմա կա՝ Թուրքիան Սոմալիից ու Քաթարից հետո իր երրորդ արտասահմանյան ռազմաբազան ցանկանում է հիմնել Նախիջևանում, ու արդեն անցել է գործի։ Ըստ ձեզ՝ ինչպե՞ս կարձագանքի մեր նոր «ռազմավարական գործընկերը» սրան»,- գրել է թուրք սյունակագիրը՝ հիշեցնելով հայ-ռուսական ռազմավարական սերտ համագործակցության մասին։