Թուրքական լիրան անկում է ապրել Էրդողանի փեսայի հայտարարությունից հետո

Թուրքական լիրան անկում է ապրել Թուրքիայի ֆինանսների նախարար, նախագահի փեսա Բարաթ Ալբայրաքի հայտարարությունից հետո այն մասին, որ ԱՄՆ–ի առեւտրային պատժամիջոցները Անկարայի դեմ կարող են ապակայունացնել Մերձավոր Արեւելքը։ Այս հայտարարությունից հետո լիրայի փոխարժեքը հասել է 6.3-ի, փոխանցում է Reuters–ը։

Ալբայրաքն այդ հայտարարությունն արել է Փարիզում ֆրանսիացի իր գործընկերոջ հետ հանդիպումից հետո։ Նա շեշտել է Անկարայի ձգտումը սերտ հարաբերություններ հաստատել Եվրոպայի հետ, իսկ ԱՄՆ–ի սահմանած պատժամիջոցները վերջնարդյունքում կարող են խորացնել ահաբեկչությունը եւ փախստականների հետ կապված ճգնաժամը։

Հիշեցնենք, որ Անկարայի եւ Վաշինգթոնի հարաբերությունները վատթարացել են ամերիկյան քահանա Էնդրյու Բրանսոնի գործի պատճառով: Թուրքիայի իշխանությունները Բրանսոնին մեղադրում են լրտեսության, քուրդ ապստամբներին եւ անցյալ տարվա պետական հեղաշրջման փորձի կազմակերպիչներին սատարելու մեջ: Նրան սպառնում է 35 տարվա բանտարկություն: Վաշինգթոնը կարծում է, որ նա անմեղ է, եւ նրա կալանավորումն ու դատը քաղաքական դրդապատճառներով են պայմանավորված: ԱՄՆ-ն պնդում է Բրանսոնին ազատելու եւ հայրենիք վերադարձնելու մասին: Դրա հետ կապված Վաշինգթոնը պատժամիջոցներ է սահմանել 2 թուրք նախարարների դեմ: ԱՄՆ ֆինանսների նախարարությունը հայտարարել էր, որ թուրք պաշտոնյաների դեմ նոր պատժամիջոցներ է պատրաստում:

Այս թեմայով Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին Հայաստանի եւ Թուրքիայի ներկայացուցիչները հանդիպել են հայ-թուրքական սահմանին