ԱՄՆ-ն կոչ է արել Թուրքիային հրաժարվել S-400 հակահրթիռային պաշտպանության համակարգերի գնումից

ԱՄՆ Ներկայացուցիչների պալատի անդամների պատվիրակությունը Թուրքիա կատարած այցի ընթացքում կոչ է արել Անկարային հրաժարվել Ռուսաստանից S-400 հակահրթիռային պաշտպանության համակարգերի գնումից, փոխանցում է «ՏԱՍՍ»-ը՝ վկայակոչելով Hurriyet-ը:

Նախօրեին Թուրքիայի արտաքին գործերի նախարարությունում աղբյուրը հայտնել էր, որ պատվիրակությունը խորհրդարանում բանակցություններ է անցկացրել եւ այցելել է Թուրքիայի Պետական օդային տիեզերական արդյունաբերության ընկերություն (TAI, մասնակցում է հինգերորդ սերնդի F-35 կործանիչների մշակմանը): Աղբյուրի համաձայն՝ նրանք այցելել են Իզմիր քաղաքում НАТО ցամաքային զորքերին եւ Ինջիրլիկ քաղաքում գտնվող ավիաբազան:

Ինչպես գրում է Hurriyet-ը, թուրքական խորհրդարանականների հետ բանակցությունների ժամանակ ամերիկյան կողմը կոչ է արել հրաժարվել S-400-ի գնումից՝ հինգերորդ սերնդի ամերիկյան F-35 կործանիչների ստացումը երաշխավորելու համար: Անկարան իր հերթին պնդել է քարոզիչ Ֆաթուլահ Գյուլենի կողմնակիցների դեմ պայքարի շարունակմանը, որին թուրքական իշխանությունները մեղադրում են 2016 թվականի հուլիսին հեղաշրջման փորձ կազմակերպելու համար: