Թրամփը պաշտոնապես սատարել է Վիկտոր Օրբանի թեկնածությանը
ԱՄՆ նախագահ Դոնալդ Թրամփը հայտարարել է Հունգարիայի վարչապետ Վիկտոր Օրբանի վերընտրվելու վերաբերյալ իր լիակատար աջակցության մասին։ Իր պաշտոնական ուղերձում Թրամփը բարձր է գնահատել Օրբանի առաջնորդությունը՝ ընդգծելով նրա ձեռքբերումները տնտեսական աճի, աշխատատեղերի ստեղծման և անօրինական միգրացիայի կանխարգելման ոլորտներում։
Նախագահի խոսքով՝ իր վարչակազմի օրոք ԱՄՆ-Հունգարիա հարաբերությունները հասել են համագործակցության աննախադեպ մակարդակի։ Թրամփը շեշտել է, որ Վիկտոր Օրբանը հետևողականորեն պայքարում է իր երկրի շահերի և օրենքի ու կարգուկանոնի պահպանման համար։
Հաշվի առնելով 2026 թվականի ապրիլի 12-ին նախատեսված ընտրությունները՝ Դոնալդ Թրամփը հունգարացի ընտրողներին կոչ է արել քվեարկել գործող վարչապետի օգտին՝ վերահաստատելով իր պատրաստակամությունը շարունակելու սերտ գործակցությունը Հունգարիայի հետ։
«Վիկտորը քրտնաջան աշխատում է Հունգարիան պաշտպանելու, տնտեսությունը զարգացնելու, աշխատատեղեր ստեղծելու, առևտուրը խթանելու, անօրինական ներգաղթը կանխելու և օերքն և կարգ ապահովելու համար։ Հունգարիայի և Միացյալ Նահանգների միջև հարաբերությունները հասել են համագործակցության նոր բարձունքների և տպավորիչ նվաճումների իմ վարչակազմի օրոք՝ հիմնականում շնորհիվ վարչապետ Օրբանի»,- գրել է Թրամփը Truth սոցցանցի իր էջում։
Աշխատող ծնողների համար սահմանվում է «ծնողական ժամ»
Մինիոնները վերադառնում են
Ինչպիսի եղանակ է սպասվում այսօր
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մունդիալ-2026․ մեկնարկն արդարացնո՞ւմ է սպասելիքները
Դրամն արժևորվում է՝ գները դրամով թանկանում․ ինչո՞ւ
Էլեկտրաէներգիայի անջատումներ Երևանի 8 վարչական շրջաններում և 9 մարզերում
ՀՀ-ում կացության կարգավիճակ ստանալու գործընթացի շրջանակում մատուցվող ծառայությունները կթվայնացվեն
Եթե քաղաքացին 2026-ին օգտվել է ատամնաբուժական ծառայությունից, 2027-ին կարո՞ղ է ստանալ սոցիալական ծախ...
ԲՀԿ-ն դիմել է ՍԴ՝ վիճարկելու ընտրությունների արդյունքները