Հանուն արդարության, պետք է նշել, որ կան տեղեկություններ, թե նրա հրաժարականը վաղուց էր նախատեսվում, ընդ որում, հասկանալի է՝ այլ պատճառներով, սակայն այն, որ դա եղավ հենց Եկեղեցու և Սամվել Կարապետյանի վրա հարձակման կոնտեքստում, խոսում է մի քանի կարևոր հանգամանքի մասին: Նախ՝ ԱԱԾ տնօրենը, բնականաբար, ամենատեղեկացված անձանցից է, տիրապետում է ահռելի ինֆորմացիայի, այդ թվում՝ գործող իշխանությունների իրական շրիշակային վարկանիշի և արտաքին ակտորների՝ Նիկոլ Փաշինյանի հանդեպ վերաբերմունքի առումով: Ըստ այդմ, մեր տեղեկություններով, նա հիանալի հասկանում է, որ Փաշինյանի «նավը» խորտակվում է: Կա նաև Փաշինյանի՝ առաջիկայում Թուրքիա մեկնելու հանգամանքը, ինչի հետ կապված ևս, Աբազյանը, բնականաբար, շատ ավելի տեղեկացված է: Մյուս կողմից՝ մեր աղբյուրները փոխանցում են, որ առաջիկայում իրավապահ կառույցներից, այդ թվում՝ ԱԱԾ-ից էլի են լինելու հրաժարականներ: Սա նշանակում է, որ առաջիկայում Նիկոլ Փաշինյանը, որը վաղուց կորցրել է «ժողովրդական» հենարանը, կորցնելու է նաև իր վերջին հույսն ու հենարանը՝ իրավապահ համակարգը: Իշխանական կուլիսներում խոսում են, որ նույնիսկ ԱԱԾ տնօրենի պաշտոնակատար նշանակված Անդրանիկ Սիմոնյանը, որը համարվում է Նիկոլ Փաշինյանի շատ սակավաթիվ հավատարիմներից, չի կարողանալու վերահսկել ԱԱԾ-ն, որտեղ մեծամասամբ արհեստավարժ, փորձառու, պետությանը նվիրված սպաներ են, որոնք հազիվ թե հանդուրժեն Նիկոլ Փաշինյանի՝ այս աստիճանի ապօրինի քաղաքական հրամանները:
Ի դեպ, հավելենք, որ Նիկոլ Փաշինյանի ջղագրգիռ պահվածքը նույնիսկ իր թիմում են ոչ բոլորը ողջունում ու նրա թեզերը տարածում: «Առաջնագծում» առավելագույնը 1-2 նախարար ու մոտ 10-15 պատգամավոր է, մնացյալը, չնայած չեն ընդդիմանում, բայց առավելապես լուռ են: Հնարավոր է, որ նրանց մեջ էլ կան մարդիկ, որոնք «հոգու խորքում» համակարծիք չեն Փաշինյանի՝ Հայ առաքելական եկեղեցու դեմ հարձակումներին ու մնացյալ ապօրինություններին: Կամ առնվազն մտագոհված և վախեցած են, որ «փուռն են գնալու» Փաշինյանի պատճառով:
Հ.Գ.-Ուշագրավ է, որ Սամվել Կարապետյանի հետ կապված՝ ժամեր շարունակ իրավապահները որևէ պաշտոնական հաղորդագրություն չէին տարածում: Ըստ էության, Նիկոլ Փաշինյանից ստացած «sms»-հանձնարարականը կատարելու համար «հիմքեր» էին փնտրում, բայց չէին գտնում: Վերջապես, հաջողվեց մոգոնել «իշխանությունը զավթելուն ուղղված հրապարակային կոչերի» մեղադրանքը, ինչն արդեն իսկ որակվել է անհեթեթ ու շինծու, բացառապես Նիկոլ Փաշինյանի հրահանգի կատարում, առավել ևս, որ նախորդ օրը ինքը՝ Նիկոլ Փաշինյանն էր նշել, թե «ես քեզ իմ ձևով կմիջամտեմ»:
Մանրամասները՝ թերթի այսօրվա համարում
Ամփոփվել է 110 տեղամասի արդյունքները
Պարեկային ծառայությունը համալրվել է իտալական նոր մոտոցիկլետներով
«Հայաստան» դաշինքի նախընտրական շտաբը հայտարարություն է տարածել
Տաշիրի Կաթնառատում «Քաղաքացիական պայմանագիրը» ստացել է 259, «Ուժեղ Հայաստանը» 160 ձայն
Նոր ԱԺ-ում կլինի 105 պատգամավոր. ՔՊ-ն կունենա 61 մանդատ, «Ուժեղ Հայաստանը»՝ 28, «Հայաստան»–ը՝ 11, ԲՀ...
«Մի նոր փոդքաստ պարտադիր դիտման համար» հյուր՝ Արամազդ Ղալամքարյան թողարկում 7
Բացահայտվել և չեզոքացվել է շուրջ 45 ընտրողի ընդհանուր 7,5 մլն ՀՀ դրամի չափով ընտրակաշառք տալու հանցա...
Հայտնի են էլեկտրոնային քվեարկության արդյունքները. ՔՊ-ն ստացել է ձայների ճնշող մեծամասնությունը
Արմավիրի մարզում գործում է 169 ընտրական տեղամաս
Ընտրատեղամասերը փակվեցին. մեկնարկում է ձայների հաշվարկը