Պետության խորհրդանիշները սեղանի զարդ չեն, որ ըստ մաշվածության կամ ճաշակի փոփոխվեն. Գեղամ Նազարյան
Պետության խորհրդանիշները ֆուտբոլի գնդակ կամ սեղանի զարդ չեն, որ ըստ մաշվածության կամ ճաշակի պարբերաբար փոփոխվեն: Այս մասին Ազգային Ժողովում հայտարարել է «Հայաստան» խմբակցության պատգամավոր Գեղամ Նազարյանը:
«Մեր 33-ամյա հանրապետությունը զարգացման այնպիսի փուլում է, երբ ամենուր անվտանգային բնույթի հարցեր են, ընդ որում, բոլոր ոլորտներն ընդգրկող անվտանգային հարցեր: Փոխանակ մեր միտքն ու ջանքերն ուղղենք այս խնդիրների լուծմանը, մարտահրավերների հաղթահարմանը, կառավարությունը, կառավարող ուժը ներկայացնող խմբակցությունը կամ նրանց առանձին ներկայացուցիչներ հանրային դաշտ են նետում թեմաներ, որոնց քննարկումը, կամա, թե ակամա, ավելի է ջլատում մեր հանրությունը, ավելի է մեծացնում չարությունը, փոխադարձ ատելությունը, պառակտումը:
Թեմաներ կան, որ իրոք քննարկաման ենթակա են, բայց ոչ այս փուլում, ոչ հիմա:
Պետության օրհներգը, զինանշանը, դրոշը փոփոխման ենթակա չեն:
Որեւէ մեկը չի կարող պնդել, որ մեր դրոշի գույները կամ ձեւն ամենակատարյալն են, որեւէ մեկը չի կարող պնդել, որ օրհներգի բառերն ու երաժշտությունն ամենալավն են, որեւէ մեկը չի կարող ասել, որ զինանշանը գեղարվեստական առումով ամենակատարյալ գործն է, բայց դրանք մեր պետության խորհրդանիշներն են, որոնք երկար, շատ երկար, բուռն ու բավական բարձր մակարդակի քննարկումներից հետո, բավական հստակ հիմնավորումներով ընդունվել են 1990 թվականին:
Ի վերջո, օրհներգը երգելով, զինանշանները՝ համազգեստին մեր տղերքը կռիվ են գնացել…
Եւ ինչպես շատ դիպուկ նկատել է իմ ընկերներից մեկի որդին՝ մեզնից մի խլեք այն օրհներգը, զինանշանը եւ դրոշը, որոնք մեզ ուղեկցել են մեր ծնված օրից»,- նշել է նա:
Ելույթն ամբողջությամբ՝ տեսանյութում
«Մենք մինչեւ հիմա Հայաստանի համար զոհվածների հիշատակի օր չունենք». Գեղամ Նազարյան
Դեռ քանի տարի մեղավոր պետք է կարգվեն նախկինները
Պարտված միապետիկի ձեռքից պետք է բռնել
70 հազարից՝ մինչև 2 մլն դրամ․ խստացվում են կառուցապատողների նկատմամբ տուգանքները (տեսանյութ)
Ծաղկունքում հարյուրավոր գլուխ ոչխարներ են անկել
ՆԳՆ ոստիկանության գվարդիայի ծառայողները կանխել են հետագա զարգացումները
Փարիզում ոստիկանները զանգվածային բողոքի ակցիա են անցկացրել
«Խոսրովի անտառ» պետական արգելոցի տեսախցիկները գայլերի են ֆիքսել (տեսանյութ)
Կոսովոյի նախկին նախագահ Հաշիմ Թաչիին դատապարտել են 25 տարվա ազատազրկման
Պատմական հանդիպում՝ Սպիտակ տան Օվալաձև գրասենյակում․ հայ հոգևոր առաջնորդներն ու ԱՄՆ-ում ՀՀ դեսպանը ա...
Դարձիր Երևանի քաղաքապետի օգնական
Հայտնաբերված խախտումների հիմքով 5 հայց է ներկայացվել իրավասու դատարան
Երբ փորձում էինք փնտրել ուրիշ տեղ, զենքի մատակարարման շուկաները փակ էին մեզ համար