Արցախի օմբուդսմեն․ Ադրբեջանի իշխանությունը շարունակում է Ղարաբաղի հայերի նկատմամբ էթնիկ զտումները

Ադրբեջանի իշխանությունը շարունակում է Ղարաբաղի հայերի նկատմամբ էթնիկ զտումները։ Այս մասին այսօր ասուլիսի ժամանակ հայտարարեց Արցախի օմբուդսմեն Գեղամ Ստեփանյանը։

Նրա խոսքով՝ գերիների նկատմամբ բացի խոշտանգումներից հոգեբանական խոշտանգումներ են իրականացվել։ Ադրբեջանցի զինվորականներն օգտագործել են զոհվածների սոցցանցերում օգտահաշիվներն ու հեռախոսները։ Օմբուդսմենը նշել է, որ ռուս խաղաղապահները չեն կանգնեցնում ադրբեջանցիներին, որոնք խախտում են հրադադարը։ Երեկ կրակել են Թաղավարդ գյուղի ուղղությամբ, տուն է վնասվել։ Շուշիի հատվածում գրեթե ամեն օր խախտվում է հրադադարի ռեժիմը։

«Անհրաժեշտ է կիրառել միջազգային մեխանիզմներ միջադեպի հեղինակներին պատասխանատվության ենթարկելու համար։ Անհրաժեշտ է դիրքերը բաժանել այնպիսի հեռավորությամբ, որ հնարավոր չլինի կրակել»,-նշեց Ստեփանյանը։

«Միաժամանակ, փորձ է արվում վարկաբեկել ռուս խաղաղապահներին, որպեսզի հետագայում պահանջեն նրանց դուրսբերումը»,-հավելեց Ստեփանյանը