Թալիբները Գուանտանամոյի նախկին կալանավորին երկրի պաշտպանության նախարար են նշանակել
Գուանտանամոյի բանտի նախկին բանտարկյալ Աբդուլ Քայում Զաքիրը «Թալիբան» շարժման կողմից նշանակվել է երկրի պաշտպանության նախարարի պաշտոնակատար: Այս մասին հայտնում է Al Jazeera հեռուստաալիքը՝ վկայակոչելով աղբյուրները շարժման ներսում:
Զաքիրը «Թալիբան» շարժման հիմնական դաշտային հրամանատարներից է, ով մարտական առաջադրանքներ էր կատարում եւ ղեկավարում էր արմատական մարտիկներին: Աֆղանստանում ԱՄՆ-ի եւ Արեւմուտքի ռազմական գործողությունների սկսվելուց հետո (2001-2014թթ.) նա սկսել է մարտերի մասնակցել շարժման կողմից: Ամերիկացի զինվորները նրան գերեվարել եւ բանտարկել էին Բաղրամ բազայում, որտեղից էլ հետագայում տեղափոխել էին Գուանտանամո: Ազատ արձակվելուց հետո նա կրկին միացել էր թալիբներին, հայտնում է ՏԱՍՍ-ը:
Երեքշաբթի շարժումը մի քանի նախարարությունների եւ գերատեսչությունների ղեկավարների ժամանակավոր պաշտոնակատարների էր նշանակել: «Պաշվոկ» գործակալության տվյալներով՝ ներքին գործերի նախարարի պաշտոնակատար է նշանակվել Սադր Իբրահիմը, Ֆինանսների նախարարի պաշտոնակատար՝ Գյուլ Աղան, հետախուզական ծառայությունների ղեկավարի պարտականությունները կկատարի Նաջիբուլլահը: Բացի այդ, շարժումն իր ներկայացուցիչներին է նշանակել երկրի մայրաքաղաք Քաբուլի կրթության, բարձրագույն կրթության եւ նահանգապետի պաշտոններում:
Քրոջը սպանած տղամարդուն բռնել են զոհի ձեռքերը պայուսակի մեջ քողարկելիս
Ընտանեկան բռնությո՞ւն. Նատալյա Ռոտենբերգը հաղորդում է ներկայացրել ոստիկանություն
Լուկա Մոդրիչը 200-րդ խաղն անցկացրեց Խորվաթիայի հավաքականի կազմում
Ալյասկայում Ուկրաինայի վերաբերյալ համաձայնություն չի եղել. Ռուբիո
Գեղարքունիքից 303 երեխա հանգստի է մեկնել դպրոցականների ամառային ճամբար
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
Դիդիե Դեշամը հրատապ լքել է Ֆրանսիայի հավաքականի ճամբարը
ՀՀ վարչապետ Նիկոլ Փաշինյանի ճեպազրույցը ուղիղ
Կուսակիցները փակ հանդիպմանը կոշտ քննադատության են ենթարկել Թրամփին
Կամո Ունանյանը վերադարձել է և նոր հաղթանակներ գրանցել