Վարչապետ. Սինգապուրը պետք է ճշգրտի իր արտաքին քաղաքականությունը

Սինգապուրի կառավարությունը ճշգրտի իր քաղաքականությունը՝ «օտարերկրացիների որակը, քանակը եւ կենտրոնացումը երկրում կառավարելու» համար, ասել է վարչապետ Լի Սյեն Լունը:

«Եթե մենք դա լավ անենք, կարող ենք շարունակել ընդունել օտարերկրյա աշխատողներին եւ նոր ներգաղթյալներին, ինչպես եւ պետք է անենք»,- ասել է նա, հայտնում է Yahoo News-ը:

Նրա խոսքով՝ աշխատանքային քարտեր ունեցողներն օգնել են խթանել Սինգապուրի տնտեսությունը եւ նոր հնարավորություններ են ստեղծել դրա քաղաքացիների համար: Նա հավելել է, որ սինգապուրցիները հասկանում են նման «բարենպաստ ցիկլի» օգուտները: «Սակայն, երբ աշխատանքի թույլտվություն ունեցողների թիվը մեծ է, մեր մարդիկ, բնականաբար, սկսում են անհանգստանալ աշխատատեղերի համար մրցակցության կապակցությամբ... Երբեմն տեղացիները զգում են, որ իրենց հետ անարդար են վարվում, օրինակ, երբ նրանք բաց ենք թողնում աշխատանք ստանալու կամ առաջխաղացման հնարավորությունը»:

«Աշխատանքից դուրս ժամանակ առ ժամանակ սոցիալական վեճեր նույնպես առաջանում են, քանի որ աշխատանքի թույլտվություն ունեցող որոշ անձինք եւ նրանց ընտանիքները լիովին չեն հարմարվել մեր սոցիալական նորմերին եւ լիովին չեն ինտեգրվել մեր հասարակությանը»,- հավելել է նա:

Չնայած նման շփումներին՝ կտրուկ շրջադարձը կհակասեր Սինգապուրի «հիմնարար շահերին» եւ կվնասեր դրա՝ որպես համաշխարհային եւ տարածաշրջանային կենտրոնի հեղինակությանը: «Դա մեզ աշխատատեղեր եւ հնարավորություններ կարժենա: Ամենակարեւորը՝ դա հակասում է մեզանից տարբերվողների ընդունման եւ բացության արժեքներին»,- հավելել է նա: