Ռազմագերիների մասին այս իշխանությունների հայտարարությունները քաղաքական ցինիզմ են. Լարիսա Ալավերդյան
Շատ լուրջ հարցեր կան, որոնց պետք է աչալուրջ մոտենալ, իսկ այս իշխանությունը ռազմագերիների հարցում ունի այլ աշխատելաոճ, այդ աշխատանքի արդյունքները տեսնում ենք: Այս մասին Tert.am-ի հետ զրույցում ասաց ՀՀ մարդու իրավունքների նախկին պաշտպան Լարիսա Ալավերդյանը՝ անդրադառնալով գերիների վերադարձի վերաբերյալ իշխանությունների երեկվա հայտարարություններին:
«Ռազմագերիների հարցը և այլ հարցեր պահանջում են վերին աստիճանի նրբանկատություն, որը այս իշխանությունը չունի, և նրանք այդ հարցերում մանիպուլատիվ տեխնոլոգիաներ են կիրառում, իսկ դա ցինիզմ է, ընդհանրապես իշխանության ցինիզմը ծնում է հասարակության մեջ իրավունքի հանդեպ մերժողականություն, ու ես գտնում եմ՝ դա ևս նպատակ է, որպեսզի ստեղծվի քաոսային իրավիճակ»,- ասաց Լարիսա Ալավերդյանը:
Նա նաև նշեց՝ եթե չլիներ Արցախում ռուսական խաղաղապահ բրիգադի հրամանատար Ռուստամ Մուրադովի հայտարարությունը, հասարակությունը երբեք չէր իմանա ճշմարտությունը ռազմագերիների վերադարձի մասին:
«Եթե չլիներ Մուրադովի հայտարարությունը մոռացեք, որ գործող իշխանությունը կասեր ճշմարտությունը, նրանք երբեք ճիշտ չեն ասում: Ես դեռ մեկ տարի առաջ հստակեցրել եմ իմ դիրքորոշումը՝ որևէ կերպ չեմ հավատում գործող իշխանությանը»,- նշեց նա:
Լարիսա Ալավերդյանը նաև ասաց՝ ստեղծված իրավիճակն ունի մեկ լուծում, իսկ գործող իշխանությունն իր հերթին պետք է բացառի արտահերթ ընտրություններին մասնակցությունը:
«Մենք պետք է արդար և ազնիվ լինենք, դա է միակ լուծումը, իսկ գործող իշխանությունը չպետք է գնա արտահերթ ընտրությունների, եթե գնան ընտրությունների, ապա հաստատում են՝ չեն ընդունում իրենց գործած որևէ սխալը և ստեղծված իրավիճակն ընկալում են որպես հաղթանակ»,- ասաց Լարիսա Ալավերդյանը:
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Կիևի պահանջները նման են անհատակ փոսի․ Սիյարտո
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...