2021-ին երկու ամսում Հայաստանից օդային ճանապարհով մեկնածների թիվն ավելի շատ է, քան ժամանածների թիվը

2021 թվականի առաջին երկու ամիսներին Հայաստանի երկու օդանավակայաններում («Զվարթնոց» եւ «Շիրակ») ուղեւորահոսքը կազմել է 154 494 մարդ: Այս մասին NEWS.am-ին հայտնեց «Զվարթնոց» միջազգային օդանավակայանի մամուլի քարտուղար Սաթենիկ Հովհաննիսյանը:

Հունվարին ուղեւորահոսքը կազմել է 64 296 մարդ (ժամանել է 31 052, մեկնել 33 244 մարդ):

Փետրվարին այդ ցուցանիշը կազմել է 90 198 մարդ (ժամանել է 31 901, մեկնել 58 297 մարդ):

2021 թվականի հունվարին եւ փետրվարին ժամանած քաղաքացիների թիվը կազմում է 62953 մարդ:

2021 թվականի հունվարին եւ փետրվարին մեկնած քաղաքացիների թիվը կազմում է 91541 մարդ:

Ստացվում է, որ Հայաստանի օդային ճանապարհով մեկնածների թիվը 28 588-ով ավելի շատ է, քան ժամանածների թիվը:

Հիշեցնենք, որ 2021 թվականի փետրվարի 1-ից Հայաստանի քաղաքացիները հնարավորություն ունեն այցելել Ռուսաստան օդային ճանապարհով՝ կորոնավիրուսի բացասական թեստ ներկայացնելով: