Քիմ Քարդաշյանը լոնդոնյան ռեստորաններից մեկից սև զգեստով գրավիչ լուսանկար է հրապարակել

Ամերիկյան Keeping Up With the Kardashians իրապատում շոուի ամերիկահայ աստղ Քիմ Քարդաշյանը Instagram սոցիալական կայքի իր էջում սև գործվածքից զգեստով գրավիչ լուսանկար է հրապարակել։

Չնայած աստղը հրապարակմանը կից որևէ գրառում չի կատարել՝ հայտի է, որ լուսանկարն արվել է Լոնդոնի թանկարժեք ռեստորաններից մեկում ամուսնու հետ ընթրիքից։

39-ամյա աստղը սև զգեստի համար ընտրել է համապատասխան մուգ դիմահարդարում և, իհարկե, վարսահարդարում, որը ցուցադրել է նախորդ հրապարակման մեջ՝ նշելով, թե շատ է սիրում աշխատել տաղանդավոր արտիստների հետ։

Քիմն ինսթագրամյան հարթակում բավականին ակտիվորեն կիսվում է Մեծ Բրիտանիայում իր ունեցած տպավորությունների մասին։ Նա նաև ցուցադրել է անգլիացի հայտնի դիզայներ և բիզնեսլեդի Վիկտորիա Բեքհեմի կողմից իրեն ուղարկած նվերները՝ նշելով, որ դրանք շատ է հավանում։