Շարլիզ Թերոնն անկեղծացել է և պատմել, թե ինչպես է իր մայրն ինքնապաշտպանվելիս սպանել հորը

Հոլիվուդյան դերասանուհի Շարլիզ Թերոնը npr.org պարբերականին տված հարցազրույցում հայտնել է, որ «չի ամաչում» խոսել այն պահի մասին, երբ իր մայրն ինքնապաշտպանվելիս կրակել և սպանել է հորը:

Ինչպես փոխացնում է BBC News-ը, դերասանուհին 15 տարեկան է եղել, երբ իր հարբեցող հայրը կրակել է սենյակի դռան ուղղությամբ, որտեղ թաքնված են եղել ինքն ու մայրը: «Այդ գնդակներից ոչ մեկը չէր վնասել մեզ, որն ուղղակի հրաշք էր: Սակայն ինքնապաշտպանության ժամանակ նա վերջ տվեց սպառնալիքին»,- ասել է 44-ամյա Թերոնը:

«Ինչքան շատ ենք խոսում նման բաների մասին, այնքան շատ ենք գիտակցում, որ մենք միայնակ չենք այդ ամենի մեջ»,- հավելել է նա:

Շարլիզը մեծացել է Հարավային Աֆրիկայի Յոհանեսբուրգ քաղաքի մոտական ագարակում՝ ծնողների՝ Գերդայի և Չարլզի հետ:

Դերասանուհին հորը բնութագրել է որպես «շատ հիվանդ մարդ», ապա հավելել է, որ հարբեցողի հետ ապրելը «բավականին անհույս իրավիճակ է»: