Անգլիայում աշխատակիցներին թույլ են տվել «խումհարի ազատ օր» վերցնել
Անգլիայում մարքեթինգային գործակալություններից մեկն իր աշխատակիցներին առաջարկել է անցում կատարել աշխատանքային ճկուն գրաֆիկի՝ հաշվի առնելով այն օրերը, որոնք հատկացվում են խումհարին: Այսպիսով, գործատուն ծրագրում է համագործակցության ներգրավել երիտասարդներին, հայտնում է BBC-ն:
19-ամյա փիառ-մենեջեր Էլլիի խոսքով՝ իր գործատուն առաջարկում է աշխատանքային ճկուն գրաֆիկ եւ վճարվող արձակուրդի անսահմանափակ թվով օրեր: Դրանից բացի, աղջկան առաջարկել են վերցնել, այսպես կոչված, «խումհարի օրեր» եւ այդ օրերին աշխատել տանից:
«Այս կերպ աշխատակիցները ստիպված չեն լինի խաբել իրենց ղեկավարությանը: Շատ ընկերություններում ազատ օրեր են հատկացվում նաեւ երեխաներ ունեցող աշխատակիցներին, բայց միշտ չէ, որ ազատ օրեր կան երեխաներ չունեցողների համար»,- ասել է Էլլին:
Մարքեթինգային գործակալությունը, որտեղ աղջիկն աշխատում է, Անգլիայի հյուսիս-արեւմուտքում է՝ Բոլթոն քաղաքում: Ընկերության հիմնադիր Քլեր Քրեմփթոնն այսպիսով ուզում է ներգրավել երիտասարդների եւ տաղանդավոր աշխատակիցների: «Մենք ցանկանում էինք ինչ-որ բան առաջակել երիտասարդ միլենիալներին, որոնք հաճախ են աշխատանքային օրերին բարերում խնջույքների մասնակցում: Իմ աշխատակիցները կարող են նախօրոք ամրագրել «խումհարի օրեր», եթե գիտեն, որ պատրաստվում են զբոսնել: Այդպիսի դեպքերում նրանք աշխատում են տանից՝ իրենց պիժամաները չփոխած»,- ասել է Քրոմփթոնը:
Նա համոզված է, որ այսպիսի հնարավորությունը խթանում է ընկերությունում վստահելի հարաբերությունների զարգացմանը, ինչպես նաեւ աշխատակիցներին մոտիվացնում է այցելելու կորպորատիվ միջոցառումներին:
Առանց ռուսական նավթի, երբ մոտ է վառելիքի գլոբալ դեֆիցիտը
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
ՄԱԿ-ը կոչ է անում ստեղծել անվտանգ նավագնացության միջանցք՝ Պարսից ծոցից նավերը դուրս բերելու համար
ՄԻՊ-ն ընդունել է Մարդու իրավունքների եզդիական կենտրոնի ղեկավարին
Իրանում 19-ամյա ըմբշամարտիկի մահապատիժը նոր մտահոգությունների ալիք է բարձրացրել
ԱԱԾ տնօրենը հայտարարել է, որ Եզրաս արքեպիսկոպոս Ներսիսյանը եղել է ԽՍՀՄ ՊԱԿ գործակալ
Տեխնիկական խափանում մետրոպոլիտենում․ ուղևորներին իջեցրել են «Գործարանային» կայարանում
Կաթողիկոսի՝ երկրից դուրս գալու հետ կապված ՔԿ-ն միջնորդություն չի ստացել
Իրանում զոհերի թիվը գերազանցել է 3100-ը. HRANA
Հեգսեթ. ԱՄՆ-ն պետք է օգտագործի իր սեփական զինամթերքը, այլ ոչ թե ուղարկի այն Ուկրաինա