Ավրիլ Լավինը բաժանվել է միլիարդատիրոջ որդուց. լրատվամիջոցներ

Կանադացի հայտնի երգչուհի Ավրիլ Լավինը բաժանվել է ընկերոջից՝ Ֆիլիպ Սարոֆիմից, որը միլիարդատեր Ֆայեզ Սարոֆիմի որդին է։ Զույգը միասին է եղել մոտավորապես երկու տարի, գրում է usmagazine.com-ը՝ հղում անելով աղբյուրների։

Լավինի և Սարոֆիմի հարաբերությունները սկսվել են 2018 թվականի փետրվարին։ Զույգի բաժանման պատճառը հայտնի չէ։ Վերջին անգամ զույգին տեսել են հուլիս ամսին Արևմտյան Հոլիվուդում գնումներ անելիս։

Սարոֆիմը զբաղվում է գործարարությամբ՝ կապված ծրագրային ապահովման անվտանգության, ֆինանսական անվտանգության և վերականգնվող էներգիայի հետ։

Ըստ Forbes պարբերականի՝ Սարոֆիմի հոր կարողությունը գնահատվում է 1,6 միլիարդ դոլար։

Ավրիլ Լավինը հայտնի է դարձել 2002 թվականին՝ դեբյուտային Let Go ալբոմի թողարկումից հետո։ Նա ձայնագրել է Complicated, Sk8er Boi, I’m With You, My Happy Ending և Girlfriend հիթերը։ Նրա 6-րդ՝ Head Above Water ալբոմի թողարկումը պլանավորվում է փետրվար ամսին։