Մոնիկա Բելուչչին շիկահեր է դարձել (լուսանկարներ)

Իտալացի հանրահայտ դերասանուհի Մոնիկա Բելուչչին հազվադեպ է փորձարկումներ անում արտաքինի հետ։ Երկրպագուները սովոր են նրան կրակոտ թխահերի կերպարով տեսնել։ Սակայն օրերս 52–ամյա Բելուչչին անսպասելի լուսանկար է հրապարակել «Instagram»–ի իր էջում, որում հանդես է գալիս շիկահերի տեսքով։
Հանուն ֆրանսիական «Madame Figaro» ամսագրի համար իրականացված ֆոտոսեսիայի՝ նա կտրուկ փոխել է իմիջը։ Ամսագիրը նվիրված է Կաննի գալիք փառատոնին։ Լազուրե ափին մայիսի 17–28–ին կայանալիք արարողությունը վարելու է դերասանուհին։

Առաջին անգամը չէ, որ Բելուչչին գունաթափում է մազերը։ Շիկահերի կերպարով է նա հանդես եկել «Երկրորդ շունչ» (2007) ֆիլմում։