Լեոնիդ Բրեժնևի վարորդական իրավունքը վաճառվել է 1,55 միլիոն ռուբլիով

ԽՍՀՄ գլխավոր քարտուղար Լեոնիդ Բրեժնևի վարորդական վկայականը և դրան կից նախազգուշացումների կտրոնը Մոսկվայում կայացած աճուրդում վաճառվել է 1,55 միլիոն ռուբլիով, գրում է РИА Новости-ն՝ հղում անելով «Литфонд» աճուրդի տան հայտարարությանը։

«ААК № 000077 վարորդական իրավունքը և դրան կից նախազգուշացումների կտրոնը ԽՄԿԿ Կենտրոնական կոմիտեի գլխավոր քարտուղարին տրվել են 1976-ի դեկտեմբերի 10-ին՝ նրա ծննդյան 70-ամյակի օրը, և հանդիսանում են ԽՍՀՄ ներքին գործերի նախարար Նիկոլայ Շչելոկովի կատակ-նվերը: Փաստաթղթերը պահպանվել են Բրեժնևի ամառանոցում։ Երբ 1991 թվականին Մոսկվայի քաղաքապետ է դարձել Գավրիլ Պոպովը, ամառանոցը հանձնվել է նրան»,- գրել է «Литфонд»-ի պաշտոնական կայքը։

Վարորդական փաստաթղթերի նախնական արժեքը կազմել է 1,35-1,5 միլիոն ռուբլի։