Մեգանն ու Հարին սուրբծննդյան տոներն Էլիզաբեթ 2-րդի հետ անցկացնելու փոխարեն կանցկացնեն Մեգանի մոր հետ

Մեծ Բրիտանիայի արքայազն Հարին և նրա կինը՝ Մեգան Մարքլը, սուրբծննդյան տոները, թագուհի Էլիզաբեթ 2-րդի հետ անցկացնելու փոխարեն, հավանաբար կանցկացնեն Միացյալ Նահանգներում՝ Մեգանի մոր հետ, գրում է Mirror-ը:

Սասեքսի դուքսն ու դքսուհին առաջիկա օրերին պատրաստվում են Կալիֆոռնիա մեկնել՝ Մեգանի մոր՝ Դորա Ռագլանդի հետ որոշ ժամանակ անցկացնելու, և հնարավոր է՝ սուրբծննդյան տոները նույնպես այնտեղ անցկացնեն:

Աղբյուրը գրում է, որ այս տարի Քեմբրիջի դուքս Ուիլյամը և Քեյթ Միդլթոնն իրենց երեխաների հետ սուրբծննդյան տոներն անցկացնելու են Սանդրինգհեմ թագավորական կալվածքում՝ թագուհի Էլիզաբեթ 2-րդի և թագավորական ընտանիքի մյուս անդամների հետ, և Հարիի ու Մեգանի այս քայլը կարող է նշանակել, որ երկու եղբայրների միջև հարաբերությունները շարունակում են լարված մնալ:

Չնայած թագավորական զույգի ծրագրերի վերաբերյալ պարբերականի տեղեկություններին, թագավորական աղբյուրը պնդում է, որ Մեգանը և Հարին դեռևս սուրբծննդյան տոների վերաբերյալ ծրագրեր չեն կազմել. «Դեռևս շատ վաղ է ասել, թե ինչպես կանցկացնեն, նրանք դեռ հստակ ծրագրեր չունեն»:

Այս թեմայով Արքայազն Չարլզը դադարել է ֆինանսավորել Հարիին ու Մեգան Մարքլին Բրիտանական թագավորական ընտանիքի կայքից ջնջվել են Մեգան Մարքլի, արքայազններ Հայրիի եւ Էնդրյուի հաշիվները Բացահայտվել է, թե ով է արքայական ընտանիքի ամենագեղեցիկ կինը Հարին և Մեգանը վերադառնում են Մեծ Բրիտանիա Արքայազն Ֆիլիպը կորոնավիրուսի պատճառով ծննդյան 99-ամյակին խուսափել է մեծ խնջույքից, հրավառությունից