Ո՞վ է Կյանու Րիվզի 46-ամյա սիրելին․ Woman.ru-ն դերասանին ուղեկցող խորհրդավոր կնոջ մասին տեղեկություններ է հրապարակել

Օրերս Լոս Անջելեսում կայացած բարեգործական փառատոնին դերասան Կիանու Րիվզը ներկայացել է 46-ամյա նկարչուհի Ալեքսանդրա Գրանտի հետ: Բոլոր լրատվամիջոցները շտապեցին նրան Կիանուի նոր սիրելին անվանել:

Woman.ru-ն փորձել է բացահայտել Կիանու Րիվզի խորհրդավոր ուղեկցորդուհուն:

Ալեքսանդրա Գրանտը և Կիանու Րիվզը ծանոթացել են դեռևս 2009 թվականին: Դերասանին իսկույն գրավել է անսովոր կինը:

Գրանտը ծնվել է Օհայոյում՝ եվրոպական ընտանիքում, սակայն երկար ժամանակ չի բնակվել ԱՄՆ-ում: Ալեքսանդրան ընտանիքի հետ ճամփորդել է ողջ աշխարհով, եղել է Իսպանիայում, Ֆրանսիայում, Մեքսիկայում և դեռևս մանկության տարիներին կյանքը տարբեր երկրներում աղջկա վրա մեծ տպավորություն է թողել:

Արվեստի հանդեպ սերը Ալեքսանդրայի մեջ ծնվել է դեռևս մանկության տարիներին․ սիրել է նկարչությունն ու պոեզիան: 1994-ին ավարտել է Սուորթմոր քոլեջը՝ ստանալով բակալավրի աստիճան:

2008 թվականին Գրանտը հիմնել է grantLOVE բարեգործական նախագիծը, որն օգնում է ստեղծել արվեստի գործեր:

Կիանուն և Ալեքսանդրան իրենց ջանքերը միացրել են 2011-ին Ode to Happiness and Shadows գիրքը ստեղծելիս: Րիվզն իր ընկերուհու՝ Ջեննի Բերգմանի հետ եղել է գրքի համահեղինակը, իսկ Գրանտը նկարազարդել է այն:

Համագործակցությունը Գրանտի հետ այնքան արդյունավետ է եղել, որ այն հանգեցրել է ընկերության: Գրանտը լուսանկարել է Կիանուին «Ջոն Ուիք»-ի նկարահանումների ժամանակ, իսկ 2016-ին նկարազարդել Րիվզի «Shadows» գիրքը:

Այնուամենայնիվ, չի կարելի ասել, թե Կիանուն և Գրանտը միմյանց կես բառից հասկանում են: Հակառակը, նրանք ժամերով կարող են վիճել լուսանկարների մանրուքների շուրջ կամ քննարկել լուսային լուծումները:

Մեկ տարի առաջ դերասանը և Գրանտը միավորել են ջանքերը նոր՝ X Artists Books անվանմամբ հրատարակչությունը հիմնելու նպատակով:

Երկար ժամանակ մարդիկ համարել են, որ Գրանտին և Րիվզին կապում է միայն պրոֆեսիոնալ գործունեությունը կամ ընկերությունը: Շատերն էլ համոզված էին, որ եթե Կիանուն հանրությանը ներկայանա, ապա դա կլինի միայն երկարոտն գեղեցկուհու ուղեկցությամբ: