Ռուսական ռուբլին անցած 10 օրվա ընթացքում ՀՀ դրամի նկատմամբ արժեզրկվել է ավելի քան 2.5 տոկոսով
«Հայկական ժամանակ» թերթը գրում է.
«Համաշխարհային շուկաներից կրկին հոռետեսական ազդանշաններ են գալիս: Ռուսական ռուբլին անցած ընդամենը 10 օրվա ընթացքում ՀՀ դրամի նկատմամբ արժեզրկվել է ավելի քան 2.5 տոկոսով: Եթե ապրիլի 25-ին մեկ ոուբլու գինը Հայաստանում 8.65 դրամ էր, ապա այսօր' 8.41 դրամ: Դա նշանակում է, որ Ռուսաստանից մասնավոր տրանսֆերտներ ստացող մեր համաքաղաքացիների եկամուտները 10 օրվա ընթացքում նվազել են հենց 2.5 տոկոսով: Ռուբլու արժեզրկման դրդապատճառը նավթի միջազգային գների շոշափելի անկումն է, որը արձանագրվում է ապրիլի կեսերից: Անցած 20 օրվա ընթացքում նավթի մեկ բարելի գինը նվազել է մոտ 8 դոլարով կամ 14 տոկոսով: Ու քանի որ Ռուսաստանի տնտեսությունը «նստած է» նավթի վրա, այդ հումքի միջազգային գների փոփոխությունը շատ արագ անդրադառնում է նաև այդ երկրի արժույթի վրա: Սակայն Հայաստանն էլ ունի իր «նավթը», այսինքն՝ պղինձը, որը «թարսի պես» նույնպես էժանանում է: Երեկ Լոնդոնի ֆոնդային բորսայում մեկ տոննա պղնձի գինը կազմել է մոտ 5 հազար 550 դոլար: Միայն անցած 3 օրվա ընթացքում պղինձն էժանացել է մոտ 320 դոլարով կամ ավելի քան 5 տոկոսով: Սա էլ իր հերթին նշանակում է, որ հենց այդքանով նվազել են մեր հանքարդյունահանողների հասույթները, հետևաբար նաև վճարվող հարկերը»,-գրում է թերթը:
Նյութն ամբողջությամբ կարդացեք թերթի այսօրվա համարում:
Մենք միանգամայն արժանիորեն դուրս եկանք հաջորդ փուլ
Մահացել է աշխարհի չեմպիոն և «Միլանի» լեգենդ Ֆրանկո Բարեզին
Աբու Դաբին կունենա համաշխարհային արվեստի նոր կենտրոն
Քրիստիան Ռոմերոն պահանջում է տարեկան 8 միլիոն եվրո աշխատավարձ
Սևանում տեղի է ունեցել «Sevan AgriTech Summit»-ը
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Մյունխենի կենտրոնում կառուցվել է փայտից պատրաստված հնգահարկ մանկապարտեզ
Սթիվ Ուիթքոֆն ու Ջարեդ Քուշները առաջիկա օրերին կայցելեն Ուկրաինա
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից
Ուրումչիի մշակութային ուղին. Գրանդ բազար