Չինական հիվանդանոցի աշխատակիցները վաճառել են հայտնի երգչին միացված կաթիլայինի ասեղները. 11 անձ աշխատանքից հեռացվել է

Չինական հիվանդանոցում 11 անձ է աշխատանքից ազատվել՝ չին-սինգապուրցի փոփ երգիչ Լին Ցզյունցզեին միացված կաթիլայինի ասեղների վաճառքի պատճառով, գրում է РИА Новости-ն՝ հղում անելով Paper-ին:

Շաբաթ օրը երգիչը Չժենցզյան քաղաքային շրջանում ունեցած համերգից հետո գնացել է քաղաքի հիվանդանոց՝ մրսածության պատճառով: Այնտեղ երգչին կաթիլային են միացրել: Ինչ-որ մեկը սկսել է երգչին միացված կաթիլայինի համար նախատեսված ասեղներն ու ներարկման լուծույթները վաճառել:

Չժենցզյանի հիվանդանոցը հայտարարել է, որ միջադեպից հետո աշխատանքից ազատել է դեպքի հետ կապ ունեցող 11 անձի:

Լին Ցզյունցզեն Ասիայի ամենաբարձր վարձատրվող երգիչներից մեկն է համարվում: Նա 11 ալբոմ ունի: 2007 թվականին երգչի անունը ներառել են Գինեսի ռեկորդների գրքում՝ 2 ժամ 5 րոպե ժամանակահատվածում 3052 ձայնասկավառակ ձայնագրելու համար: