Ամերիկացի կին կոնգրեսականը սպառնում է դատի տալ Daily Mail-ին իր մերկ լուսանկարները հրապարակելու համար (Լուսանկարներ)

Կալիֆոռնիայի նահանգից Կոնգրեսի անդամ Քեթի Հիլը սպառնացել է դատի տալ Daily Mail-ին պարբերականի կայքում իր մերկ լուսանկարները հրապարակելու համար, գրում է The Guardian-ը։

32-ամյա դեմոկրատ կոնգրեսականի (Լոս Անջելեսի օկրուգից) իրավաբանները պարբերականի խմբագրություն նամակ են ուղարկել՝ պահանջելով անհապաղ հանել այդ լուսանկարները։

Քաղաքական գործչի իրավաբանների բողոքում նաեւ նշվում է, որ թերթն անարգել է Հիլին՝ ասելով, որ նրա մարմնին կա դաջվածք նացիստական խորհրդանշանով, ինչը կոնգրեսականը հերքում է։

Ներկայացուցիչների պալատի Էթիկայի կոմիտեն այս շաբաթ սկսել է Ներկայացուցիչների պալատի աշխատակցուհու հետ Հիլի հավանական ինտիմ կապի հետաքննությունը, ինչը կանոնների խախտում է։

Հիլն ինքը խոստովանել է իր «անպատշաճ» ինտիմ կապը Ներկայացուցիչների պալատի աշխատակցուհու հետ՝ խնդրելով հարգել իր անձնական կյանքը այս դժվարին ժամանակներում։

Հայտնի է, որ քաղաքական գործչի բաց լուսանկարները հասանելի են դարձել արտահոսքի պատճառով, որը տեղի է ունեցել ամուսնուց Հիլի աղմկալի ամուսնալուծությունից հետո։