«Անհամբերությամբ սպասում եմ, թե երբ եմ կրկին երեխաներ ունենալու». Քայլի Ջեները հայտնել է, որ ցանկանում է կրկին մայրանալ

Ամերիկյան Keeping Up With the Kardashians իրապատում շոուի աստղ Քայլի Ջեներն Instagram-ի «սթորի» հատվածում երկրպագուների հարցերին ի պատասխան հայտնել է, որ կրկին կցանկանար մայրանալ, գրում է ET-ն:

«Անհամբերությամբ սպասում եմ, թե երբ եմ կրկին երեխաներ ունենալու, բայց հիմա դեռևս պատրաստ չեմ»,- պատասխանել է 22-ամյա Ջեները:

Մեկ այլ գրառման մեջ Քայլին հայտնել է, որ կցանկանար իր դստերը Ռոզ անունը տալ:

«Սիրում եմ այդ անունը»,- հայտնել է դիմահարդարման մագնատը և հավելել, որ «ավելի հաճելի զգացողություն չկա, քան ներսումդ երեխայիդ շարժումներն ու աճը զգալը»:

Ավելի վաղ հաղորդվել էր, որ Քայլի Ջեները և ռեփեր Թրևիս Սքոթը բաժանվել են երկու տարվա համատեղ կյանքից հետո: Զույգը, ըստ հաղորդման, որոշել է հարաբերություններին վերջ դնել դեռևս շաբաթներ առաջ՝ «վերջերս մշտական դարձած վիճաբանություններից հետո»:

22-ամյա Քայլին 28-ամյա ամերիկացի ռեփեր Թրևիս Սքոթի հետ սկսել էր հանդիպել 2017 թվականից, և շաբաթներ անց զույգը հայտարարել էր Քայլիի հղիության մասին: