Կուրտ Քոբեյնի առանձնատունը վաճառքի է հանվել

Ամերիկյան Nirvana ռոք խմբի մեներգիչ Կուրտ Քոբեյնի և նրա կնոջ՝ Քորթնի Լավի՝ Սիեթլում գտնվող տունը վաճառքի է հանվել:

Ինչպես հայտնում է Gazeta.ru-ն՝ հղում անելով ամերիկյան աղբյուրին, անշարժ գույքը գնահատվում է 7.5 մլն դոլար:

Հայտարարության մեջ ասվում է, որ տան մակերեսը կազմում է ավելի քան 8000 քառ. մետր: Առանձնատունը կառուցվել է 1902-ին, սակայն վերջերս այն վերանորոգել են: Շենքը գտնվում է Վաշինգտոն լճի մոտակայքում:

Հայտնի է, որ Քոբեյնն իր տունը գնել է 1994-ին՝ իր մահից կարճ ժամանակ առաջ: 1997-ին Լավը տունը վաճառքի է հանել 2.9 մլն դոլարով: Դրանից հետո տան ճակատագրի մասին ոչինչ հայտնի չի եղել: