Ռեյտինգային ընտրակարգով անցած ՀՀԿ-ականները դժգոհում են

«Իրատես» թերթը գրում է. «Խորհրդարանական ընտրություններից հետո ոչ միայն պարտվածներն են հաշվարկում իրենց սխալներն ու հետեւություններ անում, այլեւ հաղթողներն են «վերեւներին» հասկացնում, թե ում շնորհիվ են իրենք «կանգուն»:

Մեր տեղեկություններով« բարձր քվե ստացած ռեյտինգային թեկնածուները մերձավորների շրջանում հայտարարում են, թե ՀՀԿ-ն իրենց է պարտական, որ

Նորից «գահին» է: Տարածքային թեկնածուներն ընդգծում են« որ եթե իրենք չլինեին, Կարեն Կարապետյանի վարկանիշը չէր փրկի իշխող կուսակցությանը: «Այդքան ձայն մենք ենք ՀՀԿ-ին ապահովել, ոչ թե վարչապետի վարկանիշը: Առանց մեր արածի քանի՞ ձայն կբերեր այդ վարկանիշը»,- ասում են նրանք ու հայտարարում, որ Կարեն Կարապետյանը գոնե վարկանիշ ուներ, իսկ համապետական ցուցակում ընդգրկվածնե՞րն ինչ են արել:

Տանը կամ Ֆեյսբուքում նստած` անցկացրինք խորհրդարան: Լավ է, էլի, մենք գնանք ժողովրդի թուքումուրը ուտենք, գումարներ ծախսենք, իրենք գան-նստեն խորհրդարանում»,- դժգոհում են ռեյտինգային ընտրակարգով ընտրվածները»:

Մանրամասները՝ թերթի այսօրվա համարում