Երիտասարդ հասակում ալկոհոլ օգտագործելու վտանգները թերագնահատվում են. գիտնականներ

Երիտասարդ հասակում ալկոհոլ օգտագործելու վտանգները թերագնահատվում են: Այդ եզրահանգմանն են եկել Բոստոնի բժշկական կենտրոնի գիտնականները: Հետազոտության շրջանակներում պարզ է դարձել, որ ալկոհոլի օգտագործման պատճառով մահվան բոլոր դեպքերի 40 տոկոսը 50 տարեկանից ցածր մարդկանց շրջանում են գրանցվում:

Գիտնականները վերլուծել են մահվան պատճառների եւ հիվանդությունների վճարների պաշտոնական վիճակագրությունն ԱՄՆ-ում 2006-2010 թվականների ընթացքում: Ինչպես պարզ է դարձել, տարիքն իսկապես կարեւոր գործոն է ակլոհոլի օգտագործումից առաջացած մահացության պարագայում:

Այսպես, մահվան բոլոր դեպքերի շուրջ 35.8 տոկոսը, որոնց պատճառ էր դարձել ակլոհոլի օգտագործումը, գրանցվել են 20-ից 49 տարիքային խմբում: Ինչ վերաբերում է 65 տարեկանից բարձր անձանց, ապա այդ տարիքային խմբում մահվան միայն 35 տոկոսն էր հրահրված ոգելից խմիչքներով:

Ուսումնասիրելով կյանքի տեւողության կանխատեսումները՝ ալկոհոլի օգտագործման հետեւանքով կրճատված, գիտնականները պարզել են, որ ալկոհոլային խմիչքների օգտագործման առավելագույն բացասական ազդեցությունը նկատվում է 20-49 տարիքային խմբում (կյանքի «կորսված» տարիների 58.4 տոկոսը): Ընդ որում՝ 65 տարեկանից բարձր տարեց մարդկանց շրջանում այդ ցուցանիշը կազմում է ընդամենը 15 տոկոս:

Հետազոտությունը հրապարակվել է Journal of Studies on Alcohol and Drugs պարբերականում: