Սննդային հավելումները վտանգավոր են առողջության համար․ գիտնականներ

 Հարվարդի բժշկական դպրոցի գիտնականները (ԱՄՆ)
պարզել են, որ մեծ քանակությամբ դիետիկ հավելումները պարունակում են
պոտենցիալ վտանգավոր և չհաստատված դեղեր՝ գրում է MedicalXpress-ը։

  Հետազոտողների խոսքով՝ սննդային հավելումների
ավելի քան հազար ապրանքանիշեր պարունակում են անցանկալի նյութեր: Վերջին
տասնամյակում ԱՄՆ առողջապահության ոլորտի աշխատակիցները հրապարակել են
ավելի քան 700 նախազգուշացումներ այնպիսի բիոլոգիական ակտիվ դեղերի վաճառքի
մասին, որոնք պարունակում են չարտոնված բաղադրիչներ: Բացի դրանից,
Սննդամթերքի և դեղերի վարչությունը (FDA) պարզել է, որ դեպքերի 98%-ի
ժամանակ փաթեթավորման վրա այդպիսի նյութերի հավելումների առկայության մասին
որևէ զգուշացնող պիտակ չկա:

  2007-2016 թթ․ պոտենցիալ վտանգավոր
հավելումների 46%-ը կապ ուներ սեռական գործառույթների ուժեղացման հետ և
պարունակում էր սիլդենաֆիլ, 41%-ը՝ նպաստում էր քաշի կորստին և պարունակում
էր սրտանոթային համակարգի համար վտանգավոր նյութեր, և 12%-ը` ստեորիդներով
հարուստ հավելումներ, որոնք օգնում են մեծացնել մկանային զանգվածը։