Ընտրակաշառք տվողն ու վերցնողը կհայտնվեն բանտում
Ընտրակաշառք տալը կամ վերցնելը վարչական իրավախախտումից տեղափոխվում է քրեական իրավունքի դաշտ: Այս մասին այսօր կառավարության նիստում ընդունվեց որոշում: Հարցը զեկուցում էր ՀՀ արդարադատության նախարար Արտակ Զեյնալյանը:
«Մեր կառավարությունը հանձն է առել ապահովել ազատ ընտրություններ և նաև հասարակության շրջանում բարձրացնել ընտրական ինստիտուտների նկատմամբ վստահությունն ու հավատը: Այս առնչությամբ Քրեական օրենսգրքում, Վարչական իրավախախտումների վերաբերյալ օրենսգրքում նախաձեռնվել են փոփոխություններ, որոնց մշակմանը մասնակցել են նաև քաղհասարակության ներկայացուցիչներ»,- ասաց Զեյնալյանը:
Նկատենք, որ այս փոփոխությամբ նախատեսվում է խստացնել պատասխանատվությունը ընտրակաշառքի համար և Վարչական իրավախախտումների վերաբերյալ օրենսգրքից այն տեղափոխել Քրեական օրենսգիրք՝ նախատեսելով դրա համար ոչ միայն տուգանքի ձևով պատիժ, այլև որոշակի ժամկետով ազատազրկում:
Բացառություններ կկազմեն նախընտրական շրջանակում կուսակցության կամ դաշինքի տարբերանշանով ու խելամիտ արժեքի սահմաններում քարոզչական նյութերի տրամադրումը՝ գրիչներ և այլն: Խելամիտն այս դեպքում 3000 դրամն է:
Այս հարցը երկար քննարկվեց կառավարությունում, մի շարք անհամաձայնություններ եղան, որի վերաբերյալ Զեյնալյանը նշեց, որ կուսումնասիրեն և այնպես կներկայացնեն, որ տարընթերցումների տեղիք չտա:
Կառավարության այս նախաձեռնությունը կներկայացվի Ազգային ժողովի քննարկմանը և նախագծից օրենք դառնալու:
Հատկանշական է, որ այս փոփոխությունները կատարվում են Երևանի ավագանու ընտրություններին ընդառաջ և շատ կարևոր կլինեն նաև առաջիկա խորհրդարանական արտահերթ ընտրությունների նախաշեմին:
ՌԴ պետական ռեեստրում Նարեկ Կարապետյանը նշված է որպես ՌԴ քաղաքացի
Շակիրան Իսպանիայի կառավարությունից 55 միլիոն եվրո հարկային վերադարձ է ստացել
Տարածքային զիջումներից Զելենսկու հրաժարվելու պատճառով բանակցությունները փակուղի են մտել. Պենտագոն
Հրաժեշտի հանդիսավոր արարողություն ֆրանսիացի հարձակվող Անտուան Գրիզմանի համար
Ադրբեջանը անկեղծ շահագրգռված է Հայաստանի հետ հակամարտության դադերցմամբ. Բայրամով
Մասիսում հրդեհի հետևանքով կան զnհեր ու վիրավորներ
ՇՎՏՄ-ն հորդորում է նշված լցակայանների ցանցից չօգտվել
Գումար` հանրահավաքին մասնակցելու համար
Ուշադրության կենտրոնում է ՀՀ-ԵՄ վիզաների ազատականացումը
Դեսպան Մկրտչյանը ԱՄՆ Կոնգրեսում մասնակցել է ընտանիքների բարօրությանը նվիրված միջոցառմանը